Thursday, October 15, 2009

RAGAR ?


Konkani Kovita:

R a g a r ?


Kalche ratri tuka bhettcho aslom

Chondrak sanglem
vegim yeuncho

Mollbavelea noketramni
Chokchokit uzvadd korcho

Koxem sangum?

Padd poddil'lea
Pavsachea kallea kupamni

Chondrak lipoilo

Noketrancho uzvadd giraslo

Ani dekunuch,
Tuka mellunk zalem nam

Ragar?


LINO B. DOURADO, UTODD'DEKAR
www.v-ixtt.com

Thursday, October 08, 2009

Kovita: Maim

Kovita:

Maim

Maim, utor ghoddlem Devan
Meulem mon’xakullak vhodd bhag

Zolmolo ho sonvsar ticha kusveant thaun
Tichea adaran cholun vhodd monis zaun

Maim, sasnnik jivitachi zor
Ghosghoxean vhanvta mog amcho...


FARIA FERNANDES, PONDA
www.v-ixtt.com

Ragar?

Kovita:

Ragar?


Kalche ratri tuka bhettcho aslom
Chondrak sanglem
vegim yeuncho
Mollbavelea noketramni
Chokchokit uzvadd korcho
Koxem sangum?
Padd poddil'lea
Pavsachea kallea kupamni
Chondrak lipoilo
Noketrancho uzvadd giraslo
Ani dekunuch,
Tuka mellunk zalem nam
Ragar?


LINO B. DOURADO, UTODD'DEKAR

www.v-ixtt.com

Kalchi Koddi

Kovita: Kalchi Koddi



Zannti aji mhoji
Matiyechea kuddnneant
Ujeachea dhunvran
Natvanchea mogan
Ambott tik koddi kortali
Ambeachi ambli kaddun
Adoller barik xindun
Sungttam bhoros korbott ghalun
Telachem khonn marun
Jibek amche ruch haddtali
Xizta-xizta pormoll suttlo
Pottant sakun anvddo gill’lo
Chipant kaddun tall’ttar chakli
Ajen randleli ruchik koddi
Ukdde tandull buddkuleant
Xit vaddlem mall’ttulant
Svadik koddi xitar vaddun
Sodd’ddik jevle gostan
Urleli dhampun dovorli
Ti zali kalchi koddi
Ajen mhoje att’ttoin-att’ttoin
Peje vangdda ghottsann khaili
Kalchi koddi zannteleanchi
Aiche pillgek naka ti
Atam chikon, mott’ton-xakuti
Puta chakun tori polle
Mhoje Ajechi kalchi koddi.

CYRIL D. FERNANDES, BANNAVLE


www.v-ixtt.com

Saturday, July 04, 2009

Konkani Kovita: KUXEALKAECHI ZOR

Konkani Kovita:

KUXEALKAECHI ZOR


Tum Zaum Assa Suria
Uzvadd Gharacho
Sobit Sundor
Putlo Koso Menamcho
Apurbai Tuji Kortat
Soglleamkuch Tum Mogacho

Tum Nam Tor
Gharak Sobai Assonam
Kitlem Sogot Asson
Kainch Assa Xem Disonam
Tuje Osle Girestkaek
Dusri Girestkai Sor Zaumchinam

Lhan Pun Porzollit
Uzvaddachi Tum Divli
Dusman Passun Kuxeal Zata
Distoch Tuji Savli
Ghorcheank Toxench Sezareank
Tum Ek Khellpachi Bavli

Ghov Anik Bail
Ragan Assot Tor
Tujem Hanstem Mukamol
Polloun Ghalta Visor
Xapai Xamaimchi Tum
Mhatarponar KUXEALKAECHI ZOR

Kazari Jivitant Ghov Bailechi
Tum Mogachi Nixhanni
Tuje Vinnem Kallok
Aiz Kitlech Gharanim
Donia Kurpen Uzvaddan Bor
Kalloki Ghorabe Bhurgeachea Kirnanim.


Boroupi: Cajetan Godinho (Majorda/Kuwait)
Email: joycaj at hotmail.com
http://www.goa-world.com/goa/tiatr/cajetansartwork.htm

http://www.goa-world.com
http://www.live365.com/stations/61664
Live Konkani Music

Gulf-Goans e-Newsletter is moderated by AlmeidaG(ji) since 1994, and presented by Ulysses Menezes, owner of http://www.goa-world.com website. Any and all postings from Goans are welcomed - be it a Goan business enterprise, a Goan event/programme of cultural heritage, or of a personal nature. This first of its kind Gulf-Goans e-newsletter is dedicated to Goans around the Globe. http://www.goa-world.com/ Team and founders are always the first to get you in the limelight - in the field of sports, politics, social, cultural, educational, other actitivity(ies) or to the benefit of Goans and Goa via its news services from professional journalists and supporters based in Gulf countries and as far as the Americas. Thanks for the support to Goa and Goans.

Konkani Kovita: GHINEANNAMCHO DIVO

KONKANI KOVITA:
GHINEANNAMCHO DIVO

Astanam Ami
Bhurge Lhan
Maim Pain
Ghalun Eskolan,
Kele Amkam
Teacherichea Hatan


Sukh Zalem Khobar
Disbhor Lissanv
Homework Kitloch Ditali
Teacher Ti Pemsanv,
Rag Tokler Mari
Aikolearuch Tichem Nanv


Homework Korinam Tor
Teacherik Rag Chodtalo
Headmaster Maink Vo Paik
Apounk Dhadtalo,
Tednam Eskolant Tossoch
Gharai Mar Podtalo


Sonvarachem Eskol
Borem Distalem
Aitarachem Zaitem
Khellonk Melltalem,
Somarak Portun Vochunk
Kalliz Dukhamnim Rodtalem


Ami Lhan Astanam
Eskolacho Valor Gomonam
Teacher Sangta Tem
Ami Kanar Dourinam,
Eskol Ani Teacher
Dista Sogllem Fokannam....

Kitlo Tokos Gheun
Teacher Amkam Xinkoita
Tichea Ghiniannan
Amchem Ghinnian Vadoita,
Teacher Mhuntlear Uzvadd,
Sounsarant Chollonk Rosto Dakoita


Desacho President Vo Konnuim To Zanv
Tache Fattlean Teachericho Hatt Asta
Tiche Ami Sodanch Upkari
Tinnem Kelele Sacrifis Aiz Amkam Dista,
Teacher Ek Vati Porim Lassun
Bhurgeamcho GHINEANNAMCHO DIVO Petoita
.


Boroupi/Written by: Cajetan Godinho
– soccer legend at Soor Grounds - Kuwait
http://www.goa-world.com/goa/tiatr/cajetansartwork.htm

(c) www.goa-world.com

Cajetan's Godinho's Collection of Konkani Poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=cajetan+godinho+%2B+Konkani+Kovita

Upkarachem Ojjem
Abrilache 1ler Eka Vorsa
Tujea Putachea Nanvan
Tum Soggleamchi Girestkai
Kuxealkaechi Zor
World Tour (Sounsarik Boundi)
Dusro Soeag (Second Chance)
Dhadosponn.

Published in Gulf-Goans e-Newsletter www.goa-world.com
The Goan Review, GULAB, The Goan Forum www.colaco.net,

and www.goanet.org

- Forwarded by Cajetan Godinho joycaj at hotmail.com

Konkani Kovita: DHADOSPON

DHADOSPON

Xindrer Nidhlolo
Koslich Khont Nastanam,
Khuxealkaeche Suskar Sodta

Velludache Khatir
Akhi Rat Bhor Zhago,
Khonti Uske Khadta

Pinzlelem Ghalun Dhadoxi
Suittam Neslolo Sodanch,
Apun Vingllo Mhun Rhodta


Goribachem Bolos Ritem
Uskea Meklo Jieta,
Faleamchem Chintinam

Bankkinim Duddu Ektavun
Zaite Zan Torui,
Jivitant Kuxeal Nam

Todde Ordi Bakri Kaun Khuxi
Noxibvontamchem Pott,
Kitlem Jeulear Bhoronam


Amcho Dispotto Igraz
Aiz Amkam Dhi,
Devak Ami Ulo Martanv

Kitlem Dilam Astanam
Torui Pun Xinnon,
Rochnarak Okman Kortanv

Ek Bhikari Passun Khadinam
Titlo Faleamcho Usko kaddun,
Ami Sodanch Rodtanv


Kitli Girestkai Aslear
Velludache Khatirui Nidlear,
Amkam Nid Podchinam

Borem Nessonnuim Vinglle Distele
Kitlem Jeulear Passun,
Amchem Pott Kednanch Bhorchenam

Jivitant Khorem DHADOSPON Meutelem
Zoritor Ami Monan Niallear Sodanch,
Khorim Dhadoskaechim Chintnam




Boroupi:
Cajetan Godinho – soccer legend at Soor Grounds -
Kuwait joycaj at hotmail.com
http://www.goa-world.com/goa/tiatr/cajetansartwork.htm
(c) www.goa-world.com 07/08/2005

Konkani Kovita: UPKARACHEM OJJEM

KONKANI KOVITA:


UPKARACHEM OJJEM



Zolmant Etoch
Ami Eka Mekache,
Upkaramche Soire Zatat…


Nam Tor Niallun Poi
Jivit Jietanam Kitle Zan Amcher,
Lhan Vhodle Upkar Kortat…


Toddezan Kallzant
Dinvas Dovortat,
Todde Onopkari Visortat…


Zaite Zan Mothlobi
Upkar Korun Dusreak,
Jivitbor Aplo Ghulam Mhunon Sozmotat…


Gorjevontamcher
Ghodta Mhunon,
Upkar Tum Khortai…


Chintinastana Ghorvan Bhoron
Ganvchea Tinttear,
Soglleamkuch Sangon Dhitai…


Ixttagot Munispon
Devosponamcho Kaido,
Tum Visortai…


Piso Tum Dusreachi Goroz
Kednanch Tuka Podchinam,
Oxem Tum Sozmotai…


Devache kurpen
Ghodta mhunon,
Dusreak Adhar Tum Dhitolo…


Kednaim Pun Ghodta Tedna
Upkar Tuzo Farik To Kortolo,
Nam Tor Kallzant Sodanch Dinvas Dovortolo…


Punn Chint Munxea Jivit Somptoch
Simiterint Tuka Vhoronk,
Dusreak Tum Sodhtolo…


Akrek Tujer Kelolo
UPKARACHEM OJJEM Gheun,
Sasnank Simiterint Tum Nidhtolo…


Boroupi: Cajetan Godinho (Majorda/Kuwait)
http://www.goa-world.com/goa/tiatr/cajetansartwork.htm

May 1, 2005
http://groups.yahoo.com/group/gulf-goans/message/5776

KONKANI KOVITA: BHAGINTLEM EK FUL

KONKANI KOVITA:
BHAGINTLEM EK FUL


Gulabachem Ful Diun
Cheddo Chedvak,
Mog Assa Mhunon Dakoita…


Satvo Sacrament Zoddunk Vetanam
Kazarachem Motor,
Sobit Fulamnim Nettoita…

Dhedo Kiss Diun
Hattant Fulamcho Turo Ditoch,
Nourea Sangatak Vokol Altarar Chodta….

Ixtt Anik Soirim Porbim Diunk
Fulamche Ture Dhadun,
Ghor Ani Mattou Fulamnim Bhorta…

Bhurguem Zolmant Etoch
Vo Konnuim Duent Aslear,
Fulamche Ture Gheun Bhett Ditat…

Zolmanchea Disak Fulam Diun
Lagsurlim Anik Poisurlim,
Happy Birthday Mhuntat…


Jivit Somptoch
Mornamcho Kassianv Passun,
Fulamnim Bhortat…

Matiek Laitanam
Fulam Xhevtun,
Ixtt Soirim Adeus Kortat…

Mornamchea Disacho Ugddas Korunk
Meleleamcho Fond,
Sobit Fulamnim Nettoitat…

Jivitant Dhadospon Meutoch
Devak Argam Ditat,
Ghalun Fulamche Har…

Dusmanank Fulamche Ture Diun
Amchea Dessant Anik Gharant,
Ditat Boro Evkar…

Hea Natalank
Anik Novea Vorsak,
Tujea Jivitant Nodor Tum Mar…

Kallzantle BHAGINTLEM EK FUL Kaddun
Khuxealborit Natalam
Anik Sontosborit Novem Voros Mhunon
Dusmanank Uggod Tujem Kallzachem Dhar…





Boroupi/Written by: Cajetan Godinho – soccer legend at Soor Grounds, Kuwait

MERRY CHRISTMAS
AND
A VERY HAPPY NEW YEAR TO ALL.
http://www.goa-world.com/goa/tiatr/cajetansartwork.htm
(c) www.goa-world.com 19/12/2005

Cajetan's Godinho's Collection of Konkani Poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=cajetan+godinho+%2B+Konkani+Kovita
Upkarachem Ojjem
Abrilache 1ler Eka Vorsa
Tujea Putachea Nanvan
Tum Soggleamchi Girestkai
Kuxealkaechi Zor
World Tour (Sounsarik Boundi)
Dusro Soeag (Second Chance)
Dhadosponn.
Ghineannamcho Divo
Tuzo Ugddas

Published in Gulf-Goans e-Newsletter
www.yahoogroups.com/group/gulf-goans/
Goa World.Com www.goa-world.com
The Goan Review, Goanet, Konkani Forum,
The Goan Forum www.colaco.net etc.
(c) All rights reserved by www.goa-world.com



- Forwarded by www.goa-world.com


This first of its kind Gulf-Goans e-newsletter archived at www.yahoogroups.com/group/gulf-goans is dedicated to Goans around the Globe and is moderated/edited by Gaspar Almeida (since 1994) and presented by Ulysses Menezes, owner of http://www.goa-world.com website.

GOENCHO ULO - New Konkani Fortnightly

Monday, April 27, 2009

Tukach Sodunk Ietam

kovita

Tukach Sodunk Ietam

Kalliz mhojem, mondir tujem
Korchem Deva, dista mhaka
Kitlo hanv koxttovtam, tori
Jivit mhojem sodta sukha

Dukhant dukham polletam hanv
Ek-ui dollo roddoch na
Ietna- vetna kuddik dileo
Kainch khas ghoddoch na

Borim chintnam, mogall utram
Kallzam-monant iech na
Doyall kornneo korcheo disleo
Konn mhaka patiyech na

Khursar Jezuk deklo hanvem
Horddeant kalliz pilloch na
'Utor tachem vachlem legit
Mon tujeant volloch na

Deva mhojea jivit mhojem
Tujeach hatant ghalun ditam
Kalliz poilim nivoll korun
Magir tukach sodunk ietam.

Menino Almeida.

Tuesday, February 10, 2009

Kalloki Kupam

Kalloki Kupam


Dolleanchi bhas somzotanam
Mogacher kalloki kupam ailim
Kallzant mog fultanam
Dolleantlean gos-goxit dukam denvlim.

Dukhamchea doriant aiz
Mogachem voddem buddunk pavlem
Sangatan voddem tannche bodlek
Tum ogich ubem ravlem.

Sonkoxttanchea lharamni
Mogachem daiz chorun vhelem
Toddir ami pavlim tori
Tum vegllech vatten gelem.

Milton R.

Goychim Sat Novlam - Dr. Bicaji Ganecar

kovita

Goychim sat novlam


Ie-at Ie-at
Gõychim Sat novlam
Polleun ghe-iat

Hi Gõychi Mangueshi
Jiv zata dhadoxi
Tan bhuk nhivta
aslo zori upaxim

He Gõyche hovent
bore kortat duent
novro vokol
Zoddttat Sakrament

Palliechi mina khonn
Poixanchi zodd mhan
Soglleanchem pott bhorta
Zanv vhodd, zanv lhan

Pavle ami Bondla
Soimb hanga sukhavla
Xant oxea zagear
Kovi dhund zala

Ho tor Dudsagor
dudacho ho agor
hansot hansot ghollta
Gõycho zagor

Kollguttchi hi vell
Thondd xitoll vareachi
Sodanch asta hanga
gorddi bhonvddekaranchi

Ho dhoko Murganvcho
Sonvsarbhor namnnecho
Khinna khinna hanga
Dhondo vyaparacho

Bicaji Ganecar

Saturday, February 07, 2009

Ambeak Lagon Follamni Kestão Mandlem

KONKANI KOVITA:

Ambeak Lagon Follamni Kestão Mandlem




Janoth nheson soireamger vochonk bhair sorlom

Choltam, choltam ponsa zhaddaxim pavlom

Ponos da'ap korun buzar mhojea poddlo,

Dukhin bhuz suzlem, angovleacher dikh chitkolo

Ragaborit zavun ponsan mhaka mhollem

Kapo, rosal goreanchem svadik dennem dilem

Gorvank chaer, bikddamchem ambtem korun khalem

Tori ambeachi itli tust korunk, havem tuka kitem unem kellem?

Ponsachem ucharnnem monant aslem

Choltanam panvl mhojem cajuchea zhaddxim poddlem

Tap kurun kanpottear cajuchem turmon aptollem

Kanank dukhlem, angavleacher rosachem vallem denvlem

Tiddkean bhorun cajun mhaka vichar kelo

Ruchiche bibe dile, bieo purai sonvsarak pattoileo

Mojea rosachi fenni marun, jivit moujean sarlem

Tori ambeachi itli tust korunk, haven tuka kitem unnem kellem?

Vater vholl aslo, chintlem tondd duchem

Vhollant dhenvtanam onsanchem mollem mell'lem

Onsachea pannamni mhojea paiank vello ghatlem

Pannache kantte topon khatreanim gal suzoilem

Onsnamni khontiborit zaun mhaka vicharlem

Havem itke ruchichem svadik foll tuka dilem

Mojea kuddke jam korun pordesant patoilem

Tori ambeachi itli tust korunk, haven tuka kitem unnem kellem?

Koso tori porot ghora pavon sorlom

Rup polloun ghorkannin vichar mandlo

Havem tika kestaovamchem mull sangllo

Dollo moddun mhottlem, ambea oslem foll kedinch nam mellchem

Ghov bailecho ghutt lagsor aslolea maddan aikolo

Avchit chulit suntton piddo koplar mhojea bhoslo

Koplache dukhin mendu pasun mhozo hall'lo

Dolleantlean soglloch uzo bhair sorta dislo

Maddan boball korun sodsodit vicharlem

Havem tujea pasot kitem nam zait kellem

Mojem purai jivit mon'xam khatir vomplem

Tori ambeachi itli tust korunk, haven tuka kitem unem kellem?

Tondd suzllem, ang mhojem dukhin tolmoltalem

Hea kestavant havem nam poddchem aslem

Atam bhav-bhoinnimno tumich mhaka sangchem

Sogllea follam modem khuinchem foll tem vortem ?



Freddy Agnelo Fernandes

Monday, February 02, 2009

Hansunk - GHOVANCHIM TUST

Hansunk.

Hansop ek VOkhod
-Dr. Bicaji Ganecar

Ghovanchi Tust

Ek pavtt tin bailô ekttaim mell’leo ki nam tancheo gozali suru zatat magir to vixoy kosloi zanv.
Hea tin bailanchem ghovanchi tust korpa sombondan uloup chol’lem. Poili bail sangunk lagli “Mhojea ghovachem okxor (handwriting) itlem borem ki tem soglleank somzota.”
Dusre bailek nosai zali, tinnem sanglem: “Avois hem koslem okxor, mhojea ghovachem handwriting itlem borem ki tem fokot takach somzota ani dusreank konnakuch somzona.
Tisre bailên hem aikun sanglem “Avoi, avoi mhojea ghovachem okxor itlem borem ki tem konnakuch sonzona mhojea ghovak legit somzona”.

Bailêchem Sangnnem
Bailên mhaka sanglem: golleant zai sorpolli, bottak zai mudi, kanant veddi, hatak bazuband, nakant pili ani nimannem holluch kanant sanglem. Punn sogllem chovda karattchench haddunk zai.

Novem Voros 2009

Novem Voros 2009

Dis sumanam, mhoine voros soron gelem
Atam voros ailem tem novem
Ami sogllem visrum-ia adlem
Ailem dekhun voros hem novem.
Maye-mogache amche tuka ievkar
Soglleanchea nanvan bhettoitam fulanche har
Xantichem, mogachem ugddunk magtam mukhar
Ekvottan, mogan cholounk soria fuddarar.
Novea vorsak maye-mogan ekamaeak diat hat
Nichev korum-ia korchenant mhunn dusreank ghat
Mogachi, ekvottachi ani xantichi soddun kaddia vatt
Dhonia lagim magum-ia di mhunn bore dis ani rat.
Dhonia! Sovoskayechem dar ugddunk magtam
Odruxttacho dis ani rat pois korunk axetam
Soglleank khuxalbhorit, xantichem voros anvddetam
Novem voros mhonnon soglleank mhozo hat ditam.


Anthony Barbosa

http://www.v-ixtt.com/archive/10-01-2009/kovita.html

Gelem Voros

Gelem Voros


Voros don hozar att gelem
Dhormvad bomb-sfott korun
Bharoti nokaso rogtan
Bhizoun tem vors gelem.

Thoddeank borem, zaiteank vaitt zalem
Guneanv nasloleank moddun toddun gelem
Hinsa korun bomb ghalun kitem melloilem
Fokot monis-zatichem nanv bodnam zalem.

Mogacheo hozar vatto toddun roddun geleo
Kitle zannanche ghov, bailo, bhav-bhoinni meleo
Bapui-avoi morun onath zaleo Bharoti chole-choleo
Amcho sorkar mat azun pollethasa chovkoxecheo faileo.

Gorib bhurgim mathear ubarun kaileo
Anddir lhan bhurgeank ghevn bailo
Bhou manzli imaroti tannim ubarleo
Fokot kuddint ghevnk akantvadeancheo gullio.

Gelem voros don hozar att
Bharotachea nokaxear papam datt
Akantvadi koxech sodinant fatt
Nagrikache surokxechem konnak poddlem na mat.


Alvaro Gomes

Khoxechim Gitam

Khoxechim gitam


Khoxechim gitam gailim hanvem
Mollob jednam zalem dhovem
Jivit aiz ful’lem novem
Sukhachim kirnnam deklim hanvem.

Mogreche kolle ful’le porsant
Pormoll tancho kitleach vorsan
Uzvadd nasun jiyelo kallokant
Suria aiz udelo jivitant.

Suknneamni mhaka sangat dilo
Vareachea nettar madd dhol’lo
Lharancho avaz kanar sadlo
Paktte fuloun mor nachlo.

Dukham golloun roddlom hanv
Aiz portun uttlom hanv
Novo suria polletolom hanv
Chan’neant vatt choltolom hanv.

Uzvadd jivitant samballtolom
Kallokak pois ravtolom
Divli jivitachi pettoun
Uzvaddachim gitam gaitolom.

Milton R.

Uzvaddachim kirnnam fanklim

Uzvaddachim kirnnam fanklim


Uzvaddachim kirnnam fanklim,
Kallkim kupam dhanvlim.
Gulamponnache bandpas soddun,
Aiz svotontr zaunk pavlim.

Aichea disa khoxalkai bhogta,
Itihas amkam sakxi dita.
Gorvan amchem horddem fulta,
Niyallun ti tyagachi kotha.

Soinik Bharot Maiche,
Dusmanam lagim zhuzle.
Desachea obhimana khatir,
Apunnuch bolidan zale.

Sobar vorsam sorun gelim,
Desachi zaiti unnoti zali.
Punn bhav-bhoinnam koxim,
Mogan jiyeunk ami visorlim.

Novean suria kednam fanktolo?
Bhorvanso kednam udetolo?
Desacho bhangaracho fuddar,
Amcheach hatamni bandun haddcho.

Francis X. Fernandes, Nagpur

Chitt

Chitt

Tuka chitt borounk
Mhaka mhojea bukachem
Pan toddchem poddlem
Punn, tem pan mhaka,
Tujea moga poros vhoddlem nhoi
Kiteak, tujeach jivitantlem sukh toddun
To buk tuvem mhojea hatant dilo.

Tuka chitt borounk,
Mhaka mhojem,
Pen sompounchem poddlem.
Punn, tem pen mhaka,
Tujea moga poros vhoddlem nhoi
Kiteak, tuvem tujem ordem jivit sompoun,
Mhaka vachunk-borounk xikoilo.

Chittir zaiteo chuki asleo
Teo chuki sarkeo korunk(pusunk),
Mhaka mhozo,
‘Rubber’ kabar korcho poddlo.
Punn, to ‘rubber’ mhaka,
Tujea moga poros vhoddlo nhoi
Kiteak, maim…
Tuvem mhojea jivitantleo chuki pusun,
Tacheo volli (lines) portun boroileo.

Tum xikloli nasun legit
Tujea putak tunvem xikoilo
Bori dekh tuvem dili,
Hachea vhodd xikop anik khuim mellot?
Utram aikon, dolleant tujea dukham gollot,
Dev borem korum maim,
Tuje osli maim anik khuim mellot?

Milton R.

Sunday, January 25, 2009

Tuka Koso Adeus Korum?

Tuka Koso Adeus Korum?

- Sibila J. Rodrigues



Tuji suropai xeta nodi thaim,

Ghorannem tum, Patxeanchem,

Tuji boddai, kanneanchi khol baim,

Machill tum kantoil’lem.



Bhuim tum povitr Manddvichea kanttar,

Bondir tum Rai-alem.

Dobajik kopel tum amchea mathear,

Abholem jheleantlem.



Bhagevonta kuddik tuvem bagoilea man,

Subhagi tum kitlem !

Niraxi Marinheir, magtoch akantan

Maien tuka vinchlem.



Bhuzar tujea Polas ranniechi

Bhanddar tum purvil’lem

Khandar tujea sobai dongrachi

Mahal voikunttantlem.



Tuje dhornir ubzolea putr uxear,

Bhag tuka vhoddantlem,

Ballam vorvim, bos go xinvasonar,

Ul’las hea kallzantle.



Follanchim zhaddam tujim sufoll zaum

Hort tujem pormollum.

Priticho tum Raibondracho gaum

Adeus koso korum?...





(THE GOAN REVIEW - Novembr-Decembr '08 ank)

The Goan Review, 14, Nafees Chambers, 121/123 Mody Street, Fort, Mumbai-400 001, India. Tel. +91 (022) 22630139

Ful Fulta Ten’na…

Ful Fulta Ten’na…

- Cyrilo D. Fernandes



Dampun ravleli paklli

Kolleant bhitor loslosli

Varear hansleli paklli

Mogachem git gavunk

Pavsa thembeak axel’li



Sorv bhonvtim mus nachtale

Paklleo polloun murgott’tale

Vixall kallzachea umalleamni

Pormollacho hanso fuloitale



Musanche nazuk suran,

Movanchi ghodddsann

Chandinichea ttattant

Sfurtin ful’lim gitam

Monantlea monant.



Vareacho sur zai,

Kallzantlo nad zai

Mhoje ek ek pakllecho

Hanstea kallzak vas zai



Ful fulta ten’na

Suriachim kirnna

Kovichim motiam

Bhagintleam musam bhitor

Khoxechim sopnam

Fulache kovllent

Movachim gitam

Abuz zatat mus

Ful fulta ten’na.





(THE GOAN REVIEW - Novembr-Decembr '08 ank)

The Goan Review, 14, Nafees Chambers, 121/123 Mody Street, Fort, Mumbai-400 001, India. Tel. +91 (022) 22630139

Amdar-Montreamni Gõy Chorun Khalem

Amdar-Montreamni Gõy Chorun Khalem


Gõyem amchem vozreanchem
Gõyem amchem ghosghosanchem
Gõyem amchem rosrosanchem
Gõyem amchem khuxallkayechem

Sobitai tuji utranim vakhandunk zaina tosli
Sobitai tuji monant niallunk zaina tosli
Sobitai tuji dolleanim pollounk nam tosli
Sobitai tuji kananim keddnanch aikunk nam tosli

Udentichem nokhetr mhunnon pacharlem tuka
Turistanchem thikan mhunnon ucharlem tuka
Girestkaiyeachem bhandar mhunnon porgottlem tuka
Ak’kho sonvsar umedin ravta bhettunk tuka

Xetam bhattanim bhorlolem Gõyem amchem
Follam molleanim vostolem Gõyem amchem
Zori nodhinim vhanvtolem Gõyem amchem
Minnam-dongranim bhorlelem Gõyem amchem

Irvea zhaddamni bhorlole dongurle tuje
Kellim, maddanim posvolle ganv tuje
Ambe, ponnos, kajunim vhanvtole molle tuje
Udkan attvolole dristikon zuvem tuje

Vello tujeo bhangaracheo
Zori tujeo nitoll udkacheo
Tust gaitat tujea nitoll vatavoronnacheo
Doryar tujea khelltat botti nistem marpacheo

Gõyank amchea okosmat dhoko bhoslo
Oslo ghatt khorit mhonn konnench chintunk naslo
Tujech put-dhuvamni tujea kallzak toplo balo
Ghorcho bheddi ani bhailo chor zalo

Amdar-Montreamni tuje dongor viglle kele
Tujea vorixtt mollamni bhaileank haddun posle
Tuzo khusvo foddun, minn kaddun pordesi desant dhaddlem
Khoslem mhonn odruxtt tujer dhenvun ailem?

Tannim tujea udarponnacho faido getlo
Aves korunk zaina tanchea ghatkiponnacho
Girestkai ekttavpacho kiddo tankam laglo
Oslea onupkari bhurgeank, tuvem zolm diun koslo faido?

Tujeach Odhikareanim tujem unchlem nanv bhuim uddoilem
Tancheach bhurgeamni, soireanim zaiteanchem nirmollponn fapsailem
Vik-odhrusti vogddamni tujea fulltea kolleanchem nisontonn kelem
Bhangarachem Gõyem amchem, Amdar-Montreamni chorun khalem


- Freddy Agnelo Fernandes

KHONN SANGTOLO ?

“KHONN SANGTOLO ?”

Apleam gorcheanchem sukha passot
Babddo pois, pois, danvot gelo,
Tancheam mogacho tyag korit,
Aponn khoi asa! Kudh apleak vissorlo.

Monat dovrun gorchim chintnam
Sopneta tanchim amolik sopnam,
Punn gorcheank chod usko, veoll nam
Sang! Poixem amkam daddta kednam?.

Dixtt pavona, punn mon volltam
Yad etam, budbudit dollem vanvtam
Diss rat tonden, votan, gormen goittam.
Punn! Gorchim matr suseigad jietam.

Tum vetanam panchvim xetam, hanslim
Zullkeam vaream, netan fulam zoddlim,
Roiloleam xetak, mannka, motiam piklim
Kall somplo, tujim pavlam ghara nam ailim.

Ukol korunk garacho, haves vodlo
Sodanch mon lavun kamak mugnolo
Koxttancho soglo poisso, ghara, daddlo
Ghara, poixeancho vidvass kelo aikon rodlo

Jitlo kam kortolo titlo oskott zatolo,
Kitlo kall legun kam korit ravtolo!
Tujeam koxttancho valor khonn kortolo,
Zollto divo, kednam palvot! khonn sangtolo?

- Mariano Lucas Diniz
Palolem, Canacona/Kuwait
lucasdniz@hotmail.com


________________________________________

Tirongi Bauto Amcho

Tirongi Bauto Amcho




Agostache 15ver, 1947 vorsa Mai Desh amcho svatantr zalo
Sogott Bharotachea lokan sutkecho huskar getlo
Lal killear uboilo Tirongi Bauto azad doterecho
Janarache 26ver, 1950 vorsa Bharot Desh Ganatantr Zalo
Vande Mahatram


Tirongi Bauteacho poilem bhag asa kesri rongacho
Zo amkam ugdas korta amchea Desh-bogt krantikarincho
Zannim aplo pran desha katir bhetoilo
Tancho ugddas amchean kednach visruk nozo
Vande Mahatram


Tirongi Bauteachea modlea bagant asa rong dovo
Zo ugdas korta amchea nirmolponacho, svast monacho
Tosoch xanti and ahinsecho ami korunk puzo
Bhav-Bhoinacho moga-veddo sodanch fudem vorcho
Vande Mahatram


Dovea rongachea modlea bagant asa
Akkar dil'lo Ashoka Chakracho
Zo zaun asa amkam tenko udorgotticho
Zavunk Bharot okhond desh fudaracho
Vande Mahatram


Tirongi Bauteachea nimnea bhagant asa rong irvo
Zo amkam ugdas korta amchea panchichar
Irvea xetam mollancho, vatavoranacho,
Tosoch amchea abaung girestkaicho
Vande Mahatram


Tirongi bauteachem moll konnemch na korchem
Dor garant ek tori Bauteachem nixannem aschem
Tem korench eka respet-manachea zagear dovorchem
Hem asa khalti magnnem mojem
Vande Mahatram
Jai Hind, Jai Bharat, Jai Goa


- Freddy Agnelo Fernandes

26/1/2009

Eka Tornatteachi Kovita

Eka Tornatteachi Kovita



Chandrayaan- 1* gela chondrar
Chondrachi suropai pollouncheak
Chondrache barik-motte nazuk fottu kaddun
Dhaddun dita sonvsari monʼxank

Tuka mellunk tujea ghorak ghatli bhonvddi
Punn tuji savlli dislich nam
Tugeli surapai mhoje avoyk kollchi
Punn mhagelea kemerak tum sampddololem nam

Sonvsarantle monis chondrar vhotat
Tum laginch asun hanv tuka mellunk xokonam
Mhoje avoyk fottu nhoi, punn tuka dinvcho asam
Ekuch pavtti mellun
Mhagelea kallzak dhados khorchenam?



Lino B. Dourado

(Utodd'dekar)

http://www.goa-world.com/goa/poems




Bharotachem poilem monis naslolem
*Chandrayaan- 1 giro, akax-gongant
choddoilolem chitr

Amdar-Montreamni Gõy Chorun Khalem

Amdar-Montreamni Gõy Chorun Khalem

Gõyem amchem vozreanchem
Gõyem amchem ghosghosanchem
Gõyem amchem rosrosanchem
Gõyem amchem khuxallkayechem

Sobitai tuji utranim vakhandunk zaina tosli
Sobitai tuji monant niallunk zaina tosli
Sobitai tuji dolleanim pollounk nam tosli
Sobitai tuji kananim keddnanch aikunk nam tosli

Udentichem nokhetr mhunnon pacharlem tuka
Turistanchem thikan mhunnon ucharlem tuka
Girestkaiyeachem bhandar mhunnon porgottlem tuka
Ak’kho sonvsar umedin ravta bhettunk tuka

Xetam bhattanim bhorlolem Gõyem amchem
Follam molleanim vostolem Gõyem amchem
Zori nodhinim vhanvtolem Gõyem amchem
Minnam-dongranim bhorlelem Gõyem amchem

Irvea zhaddamni bhorlole dongurle tuje
Kellim, maddanim posvolle ganv tuje
Ambe, ponnos, kajunim vhanvtole molle tuje
Udkan attvolole dristikon zuvem tuje

Vello tujeo bhangaracheo
Zori tujeo nitoll udkacheo
Tust gaitat tujea nitoll vatavoronnacheo
Doryar tujea khelltat botti nistem marpacheo

Gõyank amchea okosmat dhoko bhoslo
Oslo ghatt khorit mhonn konnench chintunk naslo
Tujech put-dhuvamni tujea kallzak toplo balo
Ghorcho bheddi ani bhailo chor zalo

Amdar-Montreamni tuje dongor viglle kele
Tujea vorixtt mollamni bhaileank haddun posle
Tuzo khusvo foddun, minn kaddun pordesi desant dhaddlem
Khoslem mhonn odruxtt tujer dhenvun ailem?

Tannim tujea udarponnacho faido getlo
Aves korunk zaina tanchea ghatkiponnacho
Girestkai ekttavpacho kiddo tankam laglo
Oslea onupkari bhurgeank, tuvem zolm diun koslo faido?

Tujeach Odhikareanim tujem unchlem nanv bhuim uddoilem
Tancheach bhurgeamni, soireanim zaiteanchem nirmollponn fapsailem
Vik-odhrusti vogddamni tujea fulltea kolleanchem nisontonn kelem
Bhangarachem Gõyem amchem, Amdar-Montreamni chorun khalem
- Freddy Agnelo Fernandes