Tuesday, November 29, 2005

Kovita: MAIM BHAS KONKANI (Domnic Fernandes)

KONKANI KOVITA

MAIM BHAS KONKANI


Sobit ‘KONKANI’ mojem nanv
Mannkulem Goyem, zolmancho mozo ganv
Vaddlim hanv, khavun Goencho paum
Astig put-dhuvo asson, aiz lhanvikai bhogtam hanv

‘Sirvidoranchi bhas’ mhunnon, chepun mhaka dovorli
Bonkonddint xevttunk nam, punn kuznant xevttili
Kuzner-bottleranim, khupuch xeva moji keli
Aiz tankanch lagon, jivi hanv uronk pavli

Vhodda dhobajean, serkari manvotai dili ani choddoili panvddear
Ani titlean sanddli mhaka alaxirea vinn, umkollonk varear
Konnuch tozvit korinant, ghalunk modd’ttem ghor tharear
Voilean khebaddamn mojim kortat, socegad bosson mhollear

Hathak dhorun voron, dakoile iskolache panvdde
Dhadoxi zavn, givlle hanvem khuxealkaieche anvdde
Bulovnk mhaka, mathear mojea tambdde gulab mavlle
Chintlelim chintnam zaleant sopnam, noxibar bosleat kanvlle

Thodde pachartat mhunnon mhaka ‘Oh mojea mogache maim’
Mhunntat te: ‘Tunch amchi boddai, mogan bhorleli bhaim’
‘Noxib amchem, tujea osli mellonk amkam maim’
Punn koslo faido re puta-dhuvanim, tumchea hathanim ghoddonam kaim

Vaddoile hanvem tumkam, ximpovn mojea hord’deachea dudan
Khell’lloile hanvem tumkam, bosovn mojea avoiponnanchea gopan
Khavoilem hanvem tumkam, mogan sizoilelem nachineanchem tizan
Punn itleim korun kainch faido nam, jivit dista luskan

Puta-dhuvanim, tuminch mozo dhir-adhar, bhavart-bhorvanso ani alaxiro
Tumche mozoti vinnem sonvsar ho koddu, chintlear suddta xirxiro
Zoxe porim varear ubo ravon, nisteak zompoi marta kirkiro
Tosoch dusman toiear zala, bhazunk mhaka hathan ghevun murmuro

Xekddeanchi rompi hanv, pinnkeanim moi-mogan ximpovn voir kadleli
Hanv nhoi ‘bhas’ sezarchi magon haddleli, vo dhaddavn pikoileli
Okman mhaka bhogta, lokan pachartoch ki hanv ‘bhas mhunn vatt sandleli’
Zolom ghetannam ‘maim patlean maim’ mhunn tumi mhaka vakanddleli

Hanv nhoi maim fokot Kristanvanchi, Konknneanchi vo Musolmananchi
Sogott zonn ekuch mhaka, hanv maim tumchi soglleanchi
Katrunk dinakat tenexi moji, hanv bhas tumchea purvozanchi
Dhonia Deva, sodankal pettovn dovor divli mojea jivitachi

Hath zoddun upkar magtam, moje korinakat vantte
Gorje vinnem, rostear ximpddainakat kantte
Hathak-hath divun ekvott zoddat, bhurge toxech zantte
Oxench kelear ki, pois zavnk pavtele tumche tontte

Uttat re mojea puta-dhuvanim, kiteak azun niden bhormetat
Osoktai moji vaddon, kuddintlim haddam bhitorlea bhitor kosmetat
Hanv zannam, sogott tumi mojem boreponn pollevnk ontregtat
Tor kiteak re puta-dhuvanim, mozo upeog korunk tumi pattim sortat

Ak’kea mojea jivitan, kainch tumkam hanvem korunk nam komi
Vell pavlo puta-dhuvanim, zagruttai korun xidduk zavnk tumi
Aichean zanvdi tumchem ekuch magnnem ‘Amkam zai Konknni borovp Romi’
Ekvottan ravlear, jerul adhikari bodoltelet “Act” vachunk: ‘Konknni,
Devnagri ani Romi’

Aiz sogott mozo kuttumb, vhodde umedin monoitat ‘Sonvsari Goyem Dis’
He kovita barabor, zonn ekleak pattovn ditam maie-mogacho ‘kiss’
Koxtt moje nirfoll zavnk divnakat, korunk poddlear passun sacrifis
Dolleani tel ghalun ravtam, pollevnk kednam udetolo to ‘ROMI Konknnicho
Dis’!

Tumchi mogall maim bhas,
Konkani

K A B A R

Ho put tuzo, Saudichea oronneant ravon golloita dukam
Kainch tachean hanga ravon korunk zainam mhunn ghe maim tukam
Aiz zorui tor, suknnea porim aslim mhaka pakam
Uddon ievun, pustolom aslom ghe maim tujim dukam

Lamb jie Konkani!

Moi-mogan,
Domnic Fernandes
Anjuna/Dhahran, KSA
http://www.goa-world.com/goa/konkani/introduction.htm


http://www.goa-world.com/goa/konkani/proud_to.htm

Kovita: TUM MAKA MELL'LELEAK (Cypriano Fernandes (Riyadh, K.S.A.))

Konkani Kovita

TUM MAKA MELL'LELEAK


Tum maka mell'leleak
Ratchi sarki nid nam
Toklen he fokot tujim
Hozaram vhoir chintnam
Koslo oso marla montor
Mogachea raterant ghatla bhitor

Tum maka mell'leleak
Fokot hanv tujench chint'tam
Disar sud'dam fokot tujinch
Mogachim sopnam gunt'tam
Goroz naka evunk nid
Tujer somorpilam mojem vid

Tum maka mell'leleak
Virgollun moji ghelea ruch
Tan bukh kainch kollonam
Kam korinam mozo buch'
Osso ekttoch amurkoch hanstam
Tuji ieadi gheun bostam

Tum maka mell'leleak
Soglench maka dista novem
Dixttan tum, sopnan tum
Sozmonam kitem korchem hanvem
Tokler boslam moga bhut
Kednam meittlem moga ambrut?


- Cypriano Fernandes (Riyadh, K.S.A.)
www.goa-world.com/goa/konkani/

Kovita: TUZO UGDDAS (Cajetan Godinho)

KONKANI KOVITA

TUZO UGDDAS



Doria Kinarek Ravon
Lharam Mezunk,
Tozvit Keli…
Auchit Monant
Tujea Ugddassachem,
Lhar Uprassun…
Mezlolo Ankdo
Mhojea Monantuch,
Buddon Ghelo…


Zonnelar Bosson
Ratchi Molbar,
Nodor Marun…
Diamanti Sarkim
Chokchokit Noketram,
Monant Gunttanam…


Tujea Ugddassachem Noketr
Monant Chokchokun,
Guntleli Dori Tuntli…
Sopnant Sorgimche
Panvdde Chodtanam,
Dolleam Mukar…


Tuzo Rupkar Eun
Sorgar Tan Nisrun,
Sounsarant Xhevtolom…
Mogan Tujea Piso Zalam
Chovis Voram Sintid Tharear Nam,
TUZO UGDDAS Mhaka Sottaita…



Boroupi/Written by: Cajetan Godinho
– soccer legend at Soor Grounds - Kuwait
http://www.goa-world.com/goa/tiatr/cajetansartwork.htm
(c) www.goa-world.com 27/10/2005



Cajetan's Godinho's Collection of Konkani Poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=cajetan+godinho+%2B+Konkani+Kovita

Kovita: RAECHADD BANGDDE (Lino B. Dourado)

XIDDKAVNI: 'Raechadd Bangdde' kovita vachtana zori tor tukha ruch eun'nn
tuje thonddantlean uddkam
(WARNING: WHILE READING THE POEM "STUFFED MACKERALS" IF YOUR MOUTH SHOULD
WATERS)
ailim tor, hi kovita borovpi zababdari nhoim.
THE WRITER OF THIS POEM WILL NOT BE HELD RESPONSIBLE.


KONKANI KOVITA:

RAECHADD BANGDDE


Ghor montrik borich nusteachi ruch aili
Khitem khortolom, luttin bhitor sorlom bazarant
Saiba Bogos! Nusteak margai mhonn kosli
Ritea hathanni vochunk zaina zalem ghorant

Ponas rupeank dhileat bangdde sov
Soreache pompar bangdde zale matxe mov
Ghorkannichi boddboddi akhaxvanni vhoddlean chalov
Borem zalem pasiens aslolo sundonreacho ghov

Bail mhoji lagli tagttin bangdde uzravpak
Meaw-meaw khorun ailem mazor boddkam khavpak
Tikhxem teflenchi koddi sangli ruchin khorpak
Don bangddeank raechadd masala kurkurit toll'pak

Donparche pavnni ekak cholta toieari jevnnachi
Sovai ekak bhitor sorlim bhurgim iskolachi
Thodeach vellan auchit lutt zali sassu pai-maichi
Him anink donparche vellaruch khiteak mhonn eunchi?

Dhuv khoxi zata avoi-bapui ailo zaitea tempan
Teflenchi koddi, raechadd bangdde ghatle jevnna tattan
Hat pasun ruchin leumtat dhuven randlea koddi gostan
Zanvoi pois ravon polleta bukheache undir roddtat potan


Lino Bap. Dourado
(Utordd'dekar-Kuwait)

Kovita: MHOJEM VALENTINE (Lino B. Dourado)

KONKANI KOVITA

Mhojem Valentine
(VALETINE DAY POEM)

F ultelea moga fullak
E vkar divncheak
B hitorle kallzak
R om’pieo ful’leat
E k-ek pakllicher
R up tichem chitrailam.


C hukli kai ti vatt?
H usko vhaddot veta
O rdo dis sompla
U gddas bhouch ieta
D havun ievnchem tinnem
A xelelem kalliz tikach ravtta.

T ichea sangatak
A mrutacho sonvsar
R osroxit kortana
I nglle mogan zoloitam, ani
K horea mogak jivit ditam.


Tujo Valentine
Lino B. Dourado
(Utodd’dekar-Q8)
lino dourado
www.goa-world.com/poems/

Kovita: TALLNNI (Lino B. Dourado)

KONKANI KOVITA:


TALLNNI


Mukhar kallki vatt asa
Xiddkail’li tika bhitor sorum naka
Paim chukun fatrak apttat
Uprant zal’lea gaieak roddum naka

Chondracho uzvadd kupani liptoch
Fuddem vochunk ghatlim panvlam
Tichea dolleani mog dixttoch
Ratchea ranink ful’li fulam.

Tiche hat mhojea golleak xirkovtana
Mogachi zhorik futtle nizhor
Amrut onth onthar apttotana
Ghamechea thembeamni borle vagor.

Nodrek nodor mevlli tedna
Tinnem lojun dhample dolle
Eka mekhacho svas ghetna
Nazuk kuddiche sandde ustovle.

Khoxechea somdirant uddki getoch
Sontosachea voikuttant pavunk tollmolim
Urbechea lharamcher pevun zatoch
Uzvaddachea kirnnank lojunk laglim.


Lino B. Dourado
(Utodd'dekar-Q8)
www.goa-world.com/poems/

Kovita: KHONNEM SODLA? ( Mariano Lucas Diniz )

KONKANI KOVITA:

KHONNEM SODLA?



Jinn munxeachim mhunntlear ek zalli
Okosmat jinnetlem sukh zata khali
Loton, danvon jinnet eta vaitt palli
Toruim astanam chant marta fuddlim.


Amcheam jinnecho rong tor veg vegllo
Khonn zanna? Jinnet kednam marit varo koslo!
Cholon, cholon toktam toruim haves vodlo
Chinta uzvadda adi tandunk porvot joitacho


Jinnechem sat somdhir khol sagorant
Sogllem buchkovtat vadoll hunvorant
Vegim vegim todir pavonk opekxa monat
Ponn! Upaim nam renvodleat orixtt lahrant.


Auchit xantikaicheam molleant odchonek sampodle
Harovn, hanga thoim sukhak sodunk dhanvlem
Churchurem devan aikon sogleank mukhti kelem
Ponn kiteak upkarlem! Soglem motlobi zolmolem.


Sogleank amkam axeam ap suvartachim
Jivit voir khala zatam eun jinnet sukhti bhorti
Kednaim ponn, iad keleam fattleam jivitachim?
Soglem visron gelem ratr kobar zatoch moujechim.


Koxttan zaitem komoilem ponn, tem khoim asa?
Kitleim sukh boglem toruim astanam xanti nam
Harloleam jinnet chinta jien ani kosloch faido nam
Ponn, toruim astanam jiechem khonnem sodlam?..



Bor:- Mariano Lucas Diniz
http://www.goa-world.com Team Member

Kovita: KAL ANINK AIZ - KITLO FOROK (Cypriano Fernandes (Riyadh, K.S.A.))

KONKANI KOVITA:

KAL ANINK AIZ - KITLO FOROK


Kal tum aslo toso
Kalcho tum aiz disnam oso
Kalche bhari vichar tuje
Ratiam bhitor bodol'le koxe
Kal aink aiz kitlo forok
Chintam chintam guspotam
Kalcheo ieadi uspotam

Kalchi tuji dukh-bori gozal
Disli Pankaj Udhasachi ghazal
Pun aichem tujem vonttavelem ghit
Dislem A.R. Rehmanachem songit
Kal aink aiz kitlo forok
Chintam chintam guspotam
Kalcheo ieadi uspotam

Kalchem tujem chintest muk'k
Zahir kori tujer ail'lem dukh
Zoxem girann sompta lagun chondrak
Chintnachem tufan diso tujea bondrak
Kal aink aiz kitlo forok
Chintam chintam guspotam
Kalcheo ieadi uspotam

Kalcho xeanticho parvo to
Aiz zaunk paula ghatmaro
Torsad, bonduk gheun hatan
Chor todd'ddoki luttero
Kal aink aiz kitlo forok
Chintam chintam guspotam
Kalcheo ieadi uspotam

Kalchem kallem cholchitr tem
Aiz rongit uzvaddan ail'lem porddear
Kalcho thondd sobhavacho mitr mozo
Aiz dadagiri korta hat marun horddear
Kal aink aiz kitlo forok
Chintam chintam guspotam
Kalcheo ieadi uspotam.


Cypriano Fernandes (Riyadh, K.S.A.)



http://www.goa-world.com/goa/konkani/

Kovita: NIMNNO IEVKAR ? (Lino B. Dourado)

KONKANI KOVITA

Nimnno Ievkar?

Ieat babu ieat dhexi tourist mama,
Goa tumkam un-unit ievkar dita
Tumchea Rajeant choddxo sovai na
Itlo hangasor soro mellta.


Konnem tori mahiti dilea
Goenchea kinnarer mouz, mouza
Tornneo ostoreo gareo katicheo
Dove renver nagdeo nidhta.


Goenchea cheddvamchim mottvim nhessnam
Tumchea Rajeant fokot lamb gagre nhesstat
>Vidhexi tourist bikini-n, ugttim zangddam
Tem pollevnk tumche dolle axettat.


Goenchea fenniechea poilea ghonttar
Umedhin dorieant udki ghetat
Mouzen nachttana soreachea nadar
Uchamboll lharam somdirant vhortat.


Dusrea disa Goenchea disalear
Dhexi chear tourist buddhun mele
Sumar naslele kumar moujek ail’le
Sovnsarak bye-bye korun gele......


Lino B. Dourado
(Utodd'ddekar)
www.goa-world.com/goa/poems

http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado

Kovita: TUZO UGDDAS (Cajetan Godinho)

KONKANI KOVITA

TUZO UGDDAS





Doria Kinarek Ravon
Lharam Mezunk,

Tozvit Keli…

Auchit Monant

Tujea Ugddassachem,

Lhar Uprassun…

Mezlolo Ankdo

Mhojea Monantuch,

Buddon Ghelo…



Zonnelar Bosson

Ratchi Molbar,

Nodor Marun…

Diamanti Sarkim

Chokchokit Noketram,

Monant Gunttanam…

Tujea Ugddassachem Noketr

Monant Chokchokun,

Guntleli Dori Tuntli…


Sopnant Sorgimche

Panvdde Chodtanam,

Dolleam Mukar…

Tuzo Rupkar Eun

Sorgar Tan Nisrun,

Sounsarant Xhevtolom…

Mogan Tujea Piso Zalam

Chovis Voram Sintid Tharear Nam,

TUZO UGDDAS Mhaka Sottaita…











Boroupi/Written by: Cajetan Godinho

– soccer legend at Soor Grounds - Kuwait



http://www.goa-world.com/goa/tiatr/cajetansartwork.htm

(c) www.goa-world.com 27/10/2005



Cajetan's Godinho's Collection of Konkani Poems

http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=cajetan+godinho+%2B+Konkani+Kovita

Upkarachem Ojjem

Abrilache 1ler Eka Vorsa

Tujea Putachea Nanvan

Tum Soggleamchi Girestkai

Kuxealkaechi Zor

World Tour (Sounsarik Boundi)

Dusro Soeag (Second Chance)

Dhadosponn.

Ghineannamcho Divo

Fr. Antonio Pereira s.j. hanchea ugdass-ak KONKANKI KOVITA

Fevrerache 24ver, 2004 ek mhan Goenkar, Konknni Avoi Bhaxecho mogacho put ani Jezucho niz pattlavdar hea sonvsarantlo bhair sorun gelo. Pri. Antonio Pereira s.j. oxem tachem nanv. Devan taka sabar dennim dilolim ani tantuntlim poilim-voilim tin him: “Padriponnachem, Ulovpa-chem ani Borovpachem”. Hea tinui denneam vorvim Devachi, Goenche porjechi ani Konknnichi tannem jivitbhor upott seva keli. Porjek Devachea Putachea Kuddi Rogtachem ani Utrachem posonn divnk Goencheo soglleo igorzo ani kopelam to bhonvlo ani Goeam bhair legun to gelo. Tech porim borovpantlean Devachi, Goenchi ani Konknnichi seva korunk Goenkaranchea sonvsarant uzvaddak ailolim sogllim potram ani masikam tannem vapurlim. Hem kortana, 40 odik pustokam-i tannem boroilim.
Mhojea ganvant Igorjent toxem kopelamni to zaite pavtti pavla. Quitula Kopelant 1957 vorsa Saibinnichea Sat Dukhinche bhoktechi (Via Matris) sthapnni korunk toiarechea disamni, eka dev- dhorm soddlolea mornnache tonnir pavloleak tache khatti xim bosun mon bodlunk mozot kel’li tem mhojean visrunk zaina. Oxem aplea jivitache dekhintlean, provochonantlean ani borovpantlean zaiteach zannank tannem Devaxim haddleat mhonn dubhav na.
Zoxem Bhag. Paulun Jezu vixim Korintkarank boroitana mhonnlam (1 Kor. 15: 55), tim utram bodlun amchean Pri. Antonio vixim mhonnunk zata, “Pidde tujem zoit khoim? Pidde tujem kuns khoim?” Novembrache 4ter, 1994 thavn ariche pidden to khatir aslo torui aplem Mis ani borovp tannem soddlem na ani oxe toren aple piddecher tannem zoit vhelem, tichem kuns moddun uddoilem. Devachi ani mon’xanchi tust korun tannem zaiteoch kovita rochleo, aplea monant golloileo ani konn borounk melltta tea pormonnem boroun ghetleo ani potrancher masikancher porgottleo. Tanchim don pustokam-i uzvaddak haddlim. Toxech zaite lekhui porgottle. Thoddeo kovita aplea ixtt montream vixim ghoddleo ani tankam pavoileo. Mhoje vixim oxi 15 xlokanchi kovita rochli, konna koddchean tori boroun ghetli ani apnnem zata te porim soi korun, mhaka patthoili. Aiz meren hanvem ti kovita ek ugddas koso samball’lea.
Zoxi 1989 vorsa “Mhojea Hatanchi Ani Vonttanchi Kanni” pustokant to aplea jivitachi 70 vorsanchi kotha attapta, toxich 1997 vorsa “Soddvonnechi Kals” hantunt 16 avesoramni piddent aple koxtt-dogd to dakhol korta. Aplea padriponnachea Bhangara Utsova ugddasak “The Beatitudes” hi sobhit sundor pustika tannem toiar kelea. Tachea borovpant ani chhap’pant adhar ditoleank kheritponni Pri Moreno de Souza ani Pri Freddy J. da Costa hankam-i vakhann’nni favo.
Sorginchea mogall Bapa, Pri Antonio Pereira haka Sorginchem Sukh di ani tache dekhin, bholaikent toxem piddent Tuji ani peleachi seva korunk amkam-i soglleank sfurti di.
Felix P. da Cruz

Sorgest Padr Antonio Pereirak noman
M.S. Sorgest Padr Antonio Luis Pereira s.j., Konknni sahitik mollavelem ek porzollit nokhetr aslem. Fevrerache 25ver, 2004, hea disa Povitr Sobha ‘Gobracho Budhvar’ pallttana vo kurpechea kallant proves kortana okosmat Padr Pereiracher mornnan ghuri ghalun hem porzollit nokhetr palovn uddoilem. Padr Pereira Konknnichea mollar udar monan, udar kallzan vavurlo. Sadhea ani soglleank somzota te pod’dhotin sabar vixoianchim Konknni bhaxentlean pustokam uzvadda haddun, zaum potrancher, nemalleancher boroun Konknni somazachi tannem dittaien seve keli, ho ugddas sodanch omor urtolo.
Kurpa tanchea jivitant ani mornnant bhagidar zali mhollear zata. ‘Kurpechim Kirnnam’ hem tanchem survatechem pustok 1952 vorsa boroun toear kel’lem ani uzvadda haddlolem. Novembrache 21ver, 1952 vorsa padriponnachem poilem Mis bhettoitona tannem hem pustok vachpeanchea hatamni ghalun kurpechea jivitachi tannem vatt dakhoili. Tacheach jivitant tannem kurpek mhotv dilem ani dusreamni-i kurpen jieunk zollim- mollim ganv- ganvamni vochun provocho-nam kortalo ani aplea boroupantleanui kurpecho prochar kortalo. Gonvllik vavr korpak vhoddilamni taka Divchole Kurpevont Maiechea Igorjent dhaddlo. Thoim tannem sabar vorsam Divcholkaranchi zat-kat pollenastana, dhormancho bhed-bhav korinastana uch’chara bhaili seva keli.
Sonvsaraik jivitacho nirop ghevpak Fevrerache 25ver, 2004 ho kurpecho dis taka Devan nirmilo. Tachi nim’nni khoxi, Divcholche simiterint tachi kudd nikhipichi mhonn asli, ti pallun aili. Hoi Padr Pereira, amcho somestancho ixtt, kurpen jielo, kurpechea ganvant gonvllik vavr kelo, kurpechea kallant somplo ani kurpeche firgojent nikhipilo. He amchea mhan Konknni borovpeak ani iadnikak mhozo noman ani solam’. Tachea atmeank xanti labhum.
Tarquino de Souza