AMI BHETTLIM TEDNAM
Tuji mhoji poilich bhett
Chinche pondak ghoddli
Tea disachean chinchen
Apli ambottsannui soddli
Mollban kensam ambaddo
Holluch maner soddlo
GUspun uril’lo suria gullo
Sohoz doryant poddlo
Tuje mhoje bhettechi
Vareak mosti choddli
Chondrakui ailo bhar
Ratik vengent oddly
Vhalla deger konnkek
Nazuk hatho ful’lo
Ruperi dova thembo
Loze zhaddak bhul’lo
Tuje mhoje bhetten
Soiman kelo xrungar
Surnganchea zhaddakui
Amrutacho ailo hunvar
Poile bhettecheo yadi
Monant azun ghaltat sad
Sogllem hanv visorlam
Yad asa hi ekuch yad
Guadalupe Dias
guadalupedias@yahoo.com
www.goa-world.com/goa/konkani
Subscribe to:
Post Comments (Atom)
No comments:
Post a Comment