KONKANI LEKH:
Mhojea Bhurgeaponacho Ugddas
- Norman NoronhaKhupuch tempaveli khobor hi. Mhojea eka khas ixttan mhaka sagloli. Tacho bapui pois xarant nokri kortalo. Mhoineamchea mhoineam ghorchea khorcha khatir money order korun topallantlean pattoun ditalo. Te aile mhonntoch, taji avoy jevnna-khannacheo ani her vostu vikott haddchea pasot taka posrear dhaddtali. Avoichea dolleank panam banddun thoddea duddu ket khorun aplea bolsan lottalo. Ani tea duddvancho sokalchea panv-baji zalear sanjechea velar munganchem kondd khavunk upeog kori.
Ek dis to Moddganvchea Dev-Spirit Santachea festachea ferent ghel’lo. Thoinsor taka ek sobit Povitr Familichem dhormik chitr vo regist dislo ani to vikot ghevn aplea eka pustokan samballun dovorlo.Tachea xezarachea vaddeant ek khannavoll vo hotel aslem. Hi khannavoll ek Hindu bail choloitali. Tika sogott Bula Aii mhunn voddkitale. Kiteak, tiche dhuvechem nanv Bula aslem. Sodam porim posrear ghelolo tedna posorkarnnin ek lognachem amontron kard tachea hatant ghalem ani sanglem tannem ani tachea ghorcheamni ttichea dhuvechea lognank hajir zaunk zai mhunn. Poilech pavtti eka Hindu lokachea lognank vochun borich urba taka aili. Novem kalsanv-komis nhessun, sanglolea disa ani vellar chikar borlolea longnachea vosreant vochun ubo zalo.
Hindvanchea lognank tancho ek muhurat mhunnn asta. To zalo mhonntoch tech vellar vokoll-nhovreachem logn zavpak zai. Bhottan lognnacho sonskar chalu kelo tedna sogott lok ubo zalo ani thoddea vellan posorkannichea choliechem logn zalem. Lognank ailelim soirim machier aslolea novea jodpeak porbim divnk vetalim. Voir machier Vokoll-Nhovreachea bazun, lognnachea laduvanim borun aslole ek-ek sak aslo. Je konn tankam porbim ani bhett (gift) dita tanchea hatant tea sakantle ladu kaddun ghaltale. Mhojea ixttak tanchea lognachi style kitem tem noko aslolean tannem laginch aslolea eka soirea mon’xa thaim vicharlem. Ani tannem taka sanglem jo konn gift dita taka to ladu mellta. Mhozo ixtt voggich bosun zaiteo vell pollelea uprant porot tech mon’xa thaim vicharlem koslo gift divnk zata kai mhunn. Ani tannem taka sanglem kosli tori moladik vost vo eka envelopant ghalun nogot duddu pasun upkartat. To boroch vell guspollun urlo. Gift nam tor ladu nam.
Ladu koso melltolo? Tatt korun taka ek yad zali. Lognacho vosro tachea ghora tenkunuch aslo. Tannem ekuch dhanv ghatli ani Moddganvchea ferient viktto ghetlolo Povitr Familichem chitr eka envolopant ghalun vorun vokholl-nhovreachea hatant dilo. Vokhollbai-nhovrobab taka amurki hansun tacho gift svikar kelo ani tachea hatant ek motto ladu dilo. Ekdom koddok aslolo ladu ghora kodden koiten katorlo ani tonddan kuddko ghalun khatanna mhozo ixtt bhouch hanslo khoim. Hanspachem kharan mhonllear, envelopant regist ghalun lognacho ladu ghetlo.
Don disa uprant to posrear pavun sorlo. Porsorkannin taka vhodd zap keli. Adim ti sodanch dengso ghalun kitem zai tem vichari. Aiz tor veglloch sobhav tichea koddlean dislo. Tinnem hansonuch taka sanglem. Tichea dhuvechea lognank konnem tori ek Kristanvamgelea devacho gift dil’lo. Logn-vosrean to ekloch Kristanv aslo. Tika somzolem khoim to tannench dil’lo. Tigelea dhuven ani zanvoim-ean to regist ek lognachi bhett mhonnon, tanchea deva morean dovorla.Ixttanno, hea lhanxea jivitachea ghoddneantlean itlench sangonk sodtam ki adim ami bhurge astona amchi monam sadhim aslim. Atanchea bhurgeank voili gozal sanglear tim hansunk korim. Tea tempar amkam TV oslim sadnam naslim. Atanche pillgek kompuitor, laptop, internet mell’lolean tanchim monamcher veglech toreche varem boslam ani amchea bhurgeaponn tanchea monan koxench bospachem nam.
12-07-2010
Kuwait
Boroupeachi ol'lokh:
Norman Noronha, ganvant Navelim-Moddganvcho, sabar vorsam zalint
Kuwait-ak vosti korta. To Navelim Youth Centre (NYC) Kuwait hea tachea ganvchea sonstheacho Up-Odheox mhunn menun ailolo asa ani to ek boro football khellgodi.
Konkani bhaseacho taka kherit aburpai ani lhan boroupam korunk tachi ummedh.
Boroupeach sompork korun email: normankwt at hotmail.com.
(c) www.goa-world.com
[Boroupeachea kherit dhin'nvas Bab Lino B. Dourado-ak]
7 comments:
From: gulf-goans@yahoogroups.com [mailto:gulf-goans@yahoogroups.com] On Behalf Of G R Crasto
Sent: 2010-07-13 13:18
To: goaworldtoday@gmail.com; gulf-goans@yahoogroups.com
Cc: Norman Noronha
Subject: [Gulf Goans] RE: Mhojea Bhurgeaponacho Ugddas - Norman Noronha
Konknni Mollar Boroupeanchi Goroj.
Amcho ek Navelkar anik khas mhoje ixtt Norman Baban, konknnint lekh progotlolo vachun
khoxi bhogli.
Mojim Porbim tumkam Norman Bab.
Boroit ravche !!
GRcrasto
click crastos photoAlbum
http://gaspercrasto.tripod.com/id4.html
From: Agnello A. S. Fernandes [mailto:agnello@amcq8.com]
Sent: 2010-07-13 12:14
To: 'gulf-goans-owner@yahoogroups.com'; 'goaworldtoday@gmail.com'; 'gulf-goans@yahoogroups.com'
Cc: 'Norman Noronha'
Subject: RE: Mhojea Bhurgeaponacho Ugddas - Norman Noronha
Norman Bab
Amchim un’unit porbim tujea borovpak. Korech tujea bouroupan maki mujia adlea burgeapoileo zaiteo mongodit godneo ugdass aileo ani anvui bhi kednai vogot meuta tedna heo boroucheo oxem chintam.
Mog assumdi
Agnello & Neeta Fernandes
From: Gasper Crasto [mailto:gasper@actionkuwait.com]
Sent: Tuesday, July 13, 2010 4:33 PM
To: 'Agnello A. S. Fernandes'
Cc: Gasper Almeida; 'G R Crasto'; 'norman noronha'; libado23s53@yahoo.com
Subject: RE: Mhojea Bhurgeaponacho Ugddas - Norman Noronha
mongodit
Hi,
I have come across this word ‘poilech pautt’ in my scholarly Konkani vocabulary. I have decided to use this word on my mother Mariani’s visit to Kuwait.
BTW, what does it actually mean?
Cheers!
Gasper Crasto
To: gasper@actionkuwait.com; agnello@amcq8.com
CC: crasto@hotmail.com; normankwt@hotmail.com; libado23s53@yahoo.com
Date: Tue, 13 Jul 2010 16:43:43 +0300
Subject: RE: Mhojea Bhurgeaponacho Ugddas - Norman Noronha
Mon bulgaiteo godnneo mhunn tumi somzopachem!
Nhoi re Lino?
AlmeidaG
Dev Borem Korum mhuntam tumka sogleak.
Tumcho Khalto,
Norman Noronha
To,
The Moderator
Goa-World.com
Mogall Gasparbab,
Norman Noronha-cho nibond (essay) poilech pavtti tumchea mhavlle thollar vachun tumi nove borovpeak sfurti ditat mhunn, ami khos. Norman-baban Konknnin borovpak bhouch yotn kheleat mhunn kolta. Tachi dekh ghevn yeranim fuddem ailear amchi avoy-bhas onbeam porim netar fullteli. Normak babak porbim ditana, tannem Konknnin boroit ani Konknni zagoit ravchem.
Mogan,
Lino Dourado
libado23s53@yahoo.com
Kitli bori kotha thi. Tea tempar amkam bhurgeank ho dhorm ani tho dhorm mhunn khobor nasli. Soglim sanjechea vellar saddeponnan kheltalim ani ghara voitalim. Atam tho khell nam, tem saddeponn-ui nam.
Post a Comment