YAD TUJI
Fantea parar yad tuji
Surya zaun yeta
Tinsanzchea mond vellar
Ghayall korun veta
Dorya veller yad tuji
Khoddpar yeun bosta
Paim aple udkant buddoun
Xitoll hanso hansta
Chinche zhaddar yad tuji
Amurpikich humkollta
Barik barik pana modim
Varo zaun sollsollta
Dor khinnak yad tuji
Kalliz zaun dhodd-dhoddta
Tuje yadin boroitokoch
Kovitechem mol vaddta
- Guadalupe Dias
No comments:
Post a Comment