Konkani Kotha: XETKAR JAKI

X E T K A R J A K I

- Boroupi: Norman Noronha (Navelim/Kuwait)




Ara! Ra! Ra! Ra! Chol, chol re fuddem chol…………
Him utram xetkar Jakiche tondaruch astalim, kiteak, tacho choddso vell ghorvam sangatak sortalo. Xetkar Jaki amchea ganvant chodd famad aslo. Taka thoddo lok Pontkar Jaki mhuntale.

Ek dis hanven taka vicharlem. Taka lok pontkar Jaki kiteak mhontat kai mhunn anik tannem mhaka sanglem “Are cheddea, hanv lhan astana pain oddun udoilelim vidiechim pontam puzaun oddtalom. Dhekun, lokan mhaka Pontkar Jaki hem nanv ghatlem”

Zotak bandpache bore sonsonit don padde zalear don duddacheo gayeo asleo. Padeank zotak banddun ghorchem ani lokachim xetam kostalo. Gayechem dudh kaddun aple familik zai tem dovorun urlelem lokak viktalo. To ditatalo toslem xudh dudh aiche pillgek keddnach mellchenam. Antanche dudhvale dudhant udok ani dusreo vostu misoll korun viktat. Thodde dudh frijiint dovorun uprant susegad viktat pun, xetkar Jaki mat sodanch tajem dudh ghevun ditalo. Jaki aplea ghorvank ani familik sangatak ghevun aplim xettam roitalo. To sokallim chau pivon bhair sortalo, uprant tachi ghorkann Joana, zaka sogllo lok Junn mhuntale. Burgheank iskolak daddun zatoch Jakik pez ghevn yetali ani pejek tonddak laupak chepne thor na zalear ambadde hadtali. Kam’ chodd aslear thoddio bail-mon’xam kameri haddtalo.

Vorsak don xetacheo pikko kaddtalo. Ek Sorod ani Dusrem Vaimgan. Sorod mhunnchem pavsant roupachi xetam jim pavsache udkant zatat. Vaigan mhunchem gimant rovpachi xetam hi chodd korun nhoimche boglek roitat ani tea nhoimchea udkan ximptat. (antache kallar canals asat) Amcho Jaki nhoimche lagim aple vaigon roitalo ani Udkachea pomp (water pump) lavun nhoimche udok kaddun xeth ximptalo.

Ami burge astana hea pompak udkacho bomb mhuntale. Ho pomp chalu kortoch ganvant voddlean avaz zatalo. Amkam magir kolltalem Jakin pomp chalu kela mhunn. Ani kednai-i ami dhavon vetalem tem udok vhoir sorta tem pollevnk amkam bori mouza yetali. Hem udok eke zageak vottalem ani magir Jaki barik-barik kodio (trenches) khondun sogle xetache bandeak udok ximpdaitalo. To Sorod ani Vaigan fokot batt (paddy) vomptalo, punn Vaigonn vopta tedna tache kuxik ek Menke matiecho addo (wall made with sticky yellow mud) bandun, tantunt bhaji-torkari porsu laitalo, zoxe, kanddo, mirsango, vanggi, bhende, mullo, tambddi bhaji, touxim, dudi adi, ani thodde zagear kongam ani kalngancheo valli vomptalo.

Ami bhurge kednai tache porsakodde pavlear irvi rongachim kalngam pollevn amkam khavpachi ruch yetali. Kednai Jaki porsa lagin nam tem pollevn amche modlo konn eklo vadea (boundry wall) velean udki marun ek kanling chorun dhavon ghevun yetalo. Kanling pikem vo tornnem hi forok amkam gomonasli. Jem hathak lagta te ghevun dhanv marop ani fatracher marun foddun khavop aslem. Ghorcheank kollot mhunn kanling katorpak ami suri keddnanch vapdunk nasli.

Choriechem kanling khavpak borich movja distali. Atanchea bhurgeank osle, adle dis khoim melltole? Xetache kamank Vaignant yeta tedna bhaji-paleachem porsachem kam zatalem. Taka tachi bail ani tachi bhurgim zaiti moddot kortalim. Oxem bhaji-pallo, battache tandull, dudh vikun tancho sonvsar boro choltalo. Bhurgim bha xetachea kaman taka adhar kortalim.

Hea Jakik ek vaittui sovoim asli. To ratcho keddnai xezarianche battant narl chorunk vetalo. Payenk khanduv (entagled rope) ghalun furfurit maddar chodtalo. Ek sanjer osoch kaluke ratri madddar chodlolo astona, teach vellar madda lagin aslole ghorantle Lorsuk soimbachi goroz poddli dhekun to bhair ailo. Apli goroz korun to matso vell thoim ubo raulo. Jaki taka lagon voiruch urlo punn, kitlo vell mhunn vhoir rautolo? Taka ailo rag ani tannen don galio-fosti marun tidken mhontlem “Are Lorsu, malkiriada mhaka rakonk raula. Chol bhitor nam zalear ek narl tuje khodd’dear martam”. Lorsuk kitem khobor? Jaki madder vhoir asa mhunn? Avaz aikotoch tannen Jakik voir aslolo polelo punn, bhivon gharant bhitor sorlo. Oxinch kaim vorsam gelim bhurgim vaddon vhoddlim zalim. Unchlem thoddem xikop zatoch avoy-bapaichem sangatak kam’ korunk lojonk laglim. Cheddo eke komponint kamank laglo ani cheddum eka five star hotelant shopping arcade zagear sales girl mhunn kamank vetalem. Ek dis auchit Jakichem kopachem chodd zalem dista ani taka kallzacho attak yevun somplo. Punn Jakicheo yadi amchem monant ajun tajeo asat.

Halinchea tempar amchim bhurgim xetachem kam’ korunk loztat. Focot tornattim nhoi zaiteo baileo pasun xetache kam’ korunk fattim sortat. Tanche ghov Gulfant zaum foren boaticher kam’ kortat mhunntoch tankam poiso zai toso mellta. Ghovachea duddvancher soglle tandull gotto, baji-pallo ani follam bazarant savn haddun khatat. Amchea Goyant pikta tem amkam pavona dhekun lagxilea pranthan thavn dudh, tantiam, baji-torkari haddtat. Halinche tempar zaitem pautti potrancher ami vachlam ki, antam zhadank pikavoll bori zaupak artificial sarem ghaltat. Dhekun, atanche tempar bhajek adle bhaxen gost nam. Thoddim follam zoxe ambe, kellim, vegin pikonk calcium carbide, ethylene, adi, oslim chemicals ximpdaitat (sprayed). Hem soglle mon’xeache jivak ekdom mal (its like slow poisoning).

Soglle Goemkarank mhozo ek ulo.
Tumche lagim thoddi porian zomin aslear tantunt porsu lauche, vikpak nhoi, punn zonn ekleachea ghorak zai tem pikoiat. Antam bhurgim xiklolim asat kitei porsu laupachio adunik souloteo (modern techniques) zai zalear internet-ar sompeponnin meutat to tumi avoi bapaik dakouche. Amchea moddeakat zaitea amchea Goenkar 'Horticulturists' asat ani toxeach 'Goa Directorate of Agriculture' ani sabar 'Zonal Agriculture Offices' hea Goenchea Serkari Khateamchea fantea zoxem Pernem, Valpoi, Bicholim, Mapusa, Ela-Old Goa, Ponda, Margao, Sanguem, Quepem ani Chaudi-Canacona, ani porxim vochun "Farms" hankam bhett diupachi nibel goroz. Oslim 'Farm-a" Codar-Ponda ani Kalay-Sanguem asat. Thoddem bhou bhaile kam kelear kuddik 'exercise' zata ti, jivak bori. Disandis dispott'ttea jevnna-khannachea vostunchi dor vaddot veta. Bhaji-pallo vo xettam rovop ek hobby koxi tumi apnauchi. Hea bhaxen zonn eklean proitn kelear amche Goyant torkaricho unnav poddcho nam. Kitlo faido nhoi?




- Norman Noronha

[Kherit dhinvas Lino B. Dourado ani goa-world.com team-ik.
http://aitaracheokaskuleo.blogspot.com/ ]

VISVAS NAM

KONKANI LEKH:
VISVAS NAM

- Boroupi: Norman Noronha



Amchea ganvant ghodlole eke ghoddnecho ugddas yeta.
Dog mog kornaram aslim. Rossi ani Rudolf.
Rossi xikpant titlem uxear naslem dekhun S.S.C. pas korun eka beauty parlor-an beautician-acho kurs kortalem. Rudolf ek lhanxe komponin Sales Representative mhunn vaurtalo.

Ek Novea Vorsa disa ganvchea bhurgeam ani loka pasot, ganvant vorsavolicho sports aslo Rudolph ani Rossi sui ani sutt (thread-needle) khellan partner koxi aslim. Suiechea burakantlean Rossi dago ghalunk tozvit kortanam Rudolph tachea dolleant poit aslo. Auchit Rossichi nodor tacher poddli ani teach vellar tanchi dogaimchi nodor ek zali anik dogaim eka mekak kitem sangunk sodtat oxem tankam dislem………

Dusre disa Rudolf kamank vetana tannem Rossik lift dili ani beauty parlorakode soddlem. Tisre dis ani choutea disa toxech zalem. Orxim Rudolph taka apli mogachi itsa sangunk sodtalo punn boll zainaslem. Punn choutea disa Rossik kamank pavoitona tannem kallzak dhir ghetlo ani Rossik sanglem apleak khuxi asa mhunn tachi ixttagott zoddunk. Tem murgottot hansun parloran bhitor sorlem. Panchvea disa Rossi sogllea sontosan Parloran vosunk mhunn bhair sorlem sozmon Rudoph meutolo mhunn, punn tea dissa to mevonk nam. Rossiche kalzant mogachi kitt suru zali. Dekhun to keddna porot mevtolo oxem tem poitalem punn babdem niraxi zalem. Sovia disa Aitar aslo. Rossi borexe kopdde nhessun misak vetana auchit ek motorbike tachea fuddem thambli.
Vollon fattlean poiloilear Rudolph!

Rossi sarkem uchambol zalem. Hoch boro vell somzun Rudolphan poirche disa vicharlolea proxnacho ugddas kelo. Tachea koddlean oi vo nam zap mellpache vatter ubo ravlo. Jiber aslolea porim Rossin soroll mhontlem “I love you too”, ani teddna savn tim mogan poddlim. Rudolph, Rossik niamit (daily) lift diunk laglo. Bore nib ghevn kamachi guttli marun to taka date ditalo. Dorya deger vochun magache ubav sangatak sarunk laglim. Lohu-lohu korun tanchea dhatt moagchi khobor tanchea ghorchenk kollit zali. Ixttagottichi gozal tanchea ghorchea sovem uloili ten’a tanchea mogacher donui ghorabean addkoll addunk nam. Tim huskea vinnem zalim Dis, mhoinem soron sumar tin vorsam oxinch tim mogan bonvlim. Amchea ghara fatlean, xettantlean ek rosto asa. Tacher zoborxi vahatuk (traffic) aso na. Taka ami Love Road mhunntat. Him mogiam sodanch hea rostear distalim.

Oxench ek dis Rudolphan chintlem pordesant vosonk. Karan Goenchea pagaran don poixe tachean samballunk zainaslem. Tannem ek Agenta lagim sirvis poloili. Rosik kainch ek sangonk nam. Vochpachem sogllem tharear poddtoch ani visa hatant poddun fudlea mhoineant Gulfak vochpavhe vatter asa oxem Rossik kollit kelem. Rossi eke vatten sintir zalem nodre bhair to zatolo mhunn punn dusre vatten khuxen bhorlem karan tacho Rudolph antam borem pagar ghetolo zachi tankam goroz asli. Tannen khuxen aplea ghorcheank sanglem punn boltench ghodlem. Rossicho foren botticher kam’ korpi bapui nigtoch viaz marun ailolo. Rossichim avoy-bapui kazar zalear xivai Rofolphak bhailea desan vochun mellchenam mhunnn sangtoch Rudolph kachabull zalo. Rudolph apli arthik (financial) oddchon uktayli.
“Uncle mhoje xim kazaracho despez korunk poixe nant”

“Tum fokot kazar zaunk toyar za. Duddvancho khorch ami kortolim” Rossichea Bapain sanglem.

Babdo moga pasot tanche kustar kazar zalo ani eka mhoinean tachi visa ba stamp korun Gulfant gelo. Hea vatten Rossi eksurem zalem. Rudolfache gharant tachi zantti avoi asli. Tem ekmulea jivitacher bejarlolem. Kamar astonam vell sortalo punn ghora yetoch eksurponn khavunk yetalem. Rudolphacho chodduch ugddas yetalo. Rudolphakui tench bhogtalem. Osle poristithicher ek voros sompun gelem. Tim dogaim eka-mekak SMS daddtalim, fone kortalim ani kednaim internet chatar bostalim. Bailek aplea sangatak vegim haddchea khatir Rudolph zaito doddpoddtalo. Xevttim to sufoll zalo ani tannen oxi SMS daddli “Atam khuxechi dis lagim asat” tuji visa mevli punn bailecho reply vachun taka shok zalo “Mhaka Gulfak yevpachi khuxi na” Orxim tem sodanch apleak vor, vor mhunn taka bejar kortalem ani atam auchit kitem zalem??? Kitem zait gai hachem karan?

Eksurponnachi vaj ailoli. Kamank vetle kodden taka eka ankvar cheddeacho mog zal’lo. Tancho novo mog konnak khobor nastona brooch netan choltalo. Rudolphan koxei korun bailek raji keli apleaxim haddpak anik xekim Rossi Gulfak pavlem. Poile rati tem sanddlolea porim diso. Rudolphan vicharlear tem mhunnonk laglem apleak maim-paicho ugddas yeta mhunn………oxe thodde dis sorle.

Ek mhoino zatoch apleak Gulf anvddunk nam ani dusrim nibam divn porot Goem yevunk toyar zalem. Khorem mhonllear taka tachea novea mogachi umollxik ani kuddichi ruch lagloli.

Rossi Goeam pavttoch tannem Rudolfak nirop pattoilo. Rossin, sanglem apleak tacho anik mog nam. Divorce diun apnnak meklem kor. Hem aikon Rudolfache kuddint rogot suklem. To sozmolo tem apli fokana korta mhunn. Porot vicharlear taka toch zabab meulo “Maka Divorce Zai” Anik dusro upai nam zaun Rudolfan, Rossin courier-an daddlelim Divorce kagddacher soi keli. He bhaxen MOGAN KAZAR VISVAS NA ZAUN DIVORCE ZALO” Rossi aplea novea mogia lagim kazar zalem. Babdo Rudolph toxoch urlo.

Hea lhan kothetlian hanv itlench sangonk sodtam kim aicheo zodio (couples) aplea sangatiak visvaxi ravona. Toxench soglle nirnoi tankam sotasot ghevunk zai tim ekamekak sozmona zoxi adlim zoddim sozmotalim.

Ek kazari jivit sufoll zatolem zalear ekmekacher visvas gorjecho. Kazari jivitachi bhuniad mhontlear eka mekak respet-man divop ani eka mekakcheo chukio bhogsun ekamekak sozmon ghevop.
Somzikaieche amche ghorabe zaunk mhoje anvdde.!!!!!!



[Kherit dhinvas, Lino B. Dourado-k, www.goa-world.com]

Mhojea Bhurgeaponacho Ugddas - Norman Noronha

KONKANI LEKH:
Mhojea Bhurgeaponacho Ugddas

- Norman Noronha


Khupuch tempaveli khobor hi. Mhojea eka khas ixttan mhaka sagloli. Tacho bapui pois xarant nokri kortalo. Mhoineamchea mhoineam ghorchea khorcha khatir money order korun topallantlean pattoun ditalo. Te aile mhonntoch, taji avoy jevnna-khannacheo ani her vostu vikott haddchea pasot taka posrear dhaddtali. Avoichea dolleank panam banddun thoddea duddu ket khorun aplea bolsan lottalo. Ani tea duddvancho sokalchea panv-baji zalear sanjechea velar munganchem kondd khavunk upeog kori.
Ek dis to Moddganvchea Dev-Spirit Santachea festachea ferent ghel’lo. Thoinsor taka ek sobit Povitr Familichem dhormik chitr vo regist dislo ani to vikot ghevn aplea eka pustokan samballun dovorlo.

Tachea xezarachea vaddeant ek khannavoll vo hotel aslem. Hi khannavoll ek Hindu bail choloitali. Tika sogott Bula Aii mhunn voddkitale. Kiteak, tiche dhuvechem nanv Bula aslem. Sodam porim posrear ghelolo tedna posorkarnnin ek lognachem amontron kard tachea hatant ghalem ani sanglem tannem ani tachea ghorcheamni ttichea dhuvechea lognank hajir zaunk zai mhunn. Poilech pavtti eka Hindu lokachea lognank vochun borich urba taka aili. Novem kalsanv-komis nhessun, sanglolea disa ani vellar chikar borlolea longnachea vosreant vochun ubo zalo.

Hindvanchea lognank tancho ek muhurat mhunnn asta. To zalo mhonntoch tech vellar vokoll-nhovreachem logn zavpak zai. Bhottan lognnacho sonskar chalu kelo tedna sogott lok ubo zalo ani thoddea vellan posorkannichea choliechem logn zalem. Lognank ailelim soirim machier aslolea novea jodpeak porbim divnk vetalim.

Voir machier Vokoll-Nhovreachea bazun, lognnachea laduvanim borun aslole ek-ek sak aslo. Je konn tankam porbim ani bhett (gift) dita tanchea hatant tea sakantle ladu kaddun ghaltale. Mhojea ixttak tanchea lognachi style kitem tem noko aslolean tannem laginch aslolea eka soirea mon’xa thaim vicharlem. Ani tannem taka sanglem jo konn gift dita taka to ladu mellta. Mhozo ixtt voggich bosun zaiteo vell pollelea uprant porot tech mon’xa thaim vicharlem koslo gift divnk zata kai mhunn. Ani tannem taka sanglem kosli tori moladik vost vo eka envelopant ghalun nogot duddu pasun upkartat. To boroch vell guspollun urlo. Gift nam tor ladu nam.

Ladu koso melltolo? Tatt korun taka ek yad zali. Lognacho vosro tachea ghora tenkunuch aslo. Tannem ekuch dhanv ghatli ani Moddganvchea ferient viktto ghetlolo Povitr Familichem chitr eka envolopant ghalun vorun vokholl-nhovreachea hatant dilo. Vokhollbai-nhovrobab taka amurki hansun tacho gift svikar kelo ani tachea hatant ek motto ladu dilo. Ekdom koddok aslolo ladu ghora kodden koiten katorlo ani tonddan kuddko ghalun khatanna mhozo ixtt bhouch hanslo khoim. Hanspachem kharan mhonllear, envelopant regist ghalun lognacho ladu ghetlo.

Don disa uprant to posrear pavun sorlo. Porsorkannin taka vhodd zap keli. Adim ti sodanch dengso ghalun kitem zai tem vichari. Aiz tor veglloch sobhav tichea koddlean dislo. Tinnem hansonuch taka sanglem. Tichea dhuvechea lognank konnem tori ek Kristanvamgelea devacho gift dil’lo. Logn-vosrean to ekloch Kristanv aslo. Tika somzolem khoim to tannench dil’lo. Tigelea dhuven ani zanvoim-ean to regist ek lognachi bhett mhonnon, tanchea deva morean dovorla.

Ixttanno, hea lhanxea jivitachea ghoddneantlean itlench sangonk sodtam ki adim ami bhurge astona amchi monam sadhim aslim. Atanchea bhurgeank voili gozal sanglear tim hansunk korim. Tea tempar amkam TV oslim sadnam naslim. Atanche pillgek kompuitor, laptop, internet mell’lolean tanchim monamcher veglech toreche varem boslam ani amchea bhurgeaponn tanchea monan koxench bospachem nam.


12-07-2010
Kuwait

Boroupeachi ol'lokh:

Norman Noronha, ganvant Navelim-Moddganvcho, sabar vorsam zalint
Kuwait-ak vosti korta. To Navelim Youth Centre (NYC) Kuwait hea tachea ganvchea sonstheacho Up-Odheox mhunn menun ailolo asa ani to ek boro football khellgodi.
Konkani bhaseacho taka kherit aburpai ani lhan boroupam korunk tachi ummedh.
Boroupeach sompork korun email: normankwt at hotmail.com.
(c) www.goa-world.com


[Boroupeachea kherit dhin'nvas Bab Lino B. Dourado-ak]

Mel’leank matyek laum di !

Mel’leank matyek laum di !




Dumu bebdo kaixavant sust nhidlolo. Jivo astanam mhunn kitem kel’lem tor tannem? Osoch sust boro khatalo, piyetalo ani nhidtalo. Forok mat itloch aslo; tednam moderache khattir nhidtalo. Atam moderachea kaixavant nhidlolo. Adim nhidlolo ut’talo punn atam mat sasnnachi nhid nhidlolo . Tachea moddea bhonvtim tachi bail ani poram toxinch kaim lagxil’lo lok zomil’le. Tachi bail killncheo marun roddtali . Tichea kensant konnem tori roton aboleanchi tambddich fanti mallil’li . Khorem mhollear tika babddek fulam mallpachi khupuch avodd asli punn Dumu bebdean tiche jinnechem sogllem porsunch udvost korun uddoil’lem. Tantunt ani fulam koxim fultolim ? Punn ek , podrak mat tin fulam dil’lim . Aplea bapaichea kaixanvam bhonvtim bosun tim mornnak ail’leank thoketalim . Modinch kaixavant nhidlolea aplea bapaik polletalim zalear modinch tanchi nodor aple avoicher vetali. Ghoddye aple avoik oxe tambdde saddyent tannim poilech pautt polleli astoli . Moronn mhonnchem kitem hem somzupa itli tanchi piray tori khoinchi ? Vhoddle cholyek tor niktinch sat vorsam sompil’lim . Bapaichea mornna poros aple avoicho novo bhes tankam hea khinnak tori khos divpi aslo . Ti tambddich aboleanchi fanti hatak ghatil’li tambddinch kanknnam ani ti tambddich saddi ! Dakttean tor kednach aple avoicho podor aplea mathear oddil’lo. Modleache hat , tichim tambddim kanknnam poxetale . Dumu aslo ani naslo mhunn konnak kitem forok ? Sogllem khatir tor ek bebdoch melo .
Hea bebdeachem khorem nanv Duming . Punn taka sogllim zannam Dumuch mhonnttalim . Konn mhonnttat ki to lognam poilim to ekdom boro aslo . Logn zalea uprant bailechea pikasanvan piyeunk xiklo . Punn tache vixim sangpa sarki tache baile kodden vegllich kanni asli . ‘ Char anneachem kam’ korunk yenam taka . Pikasanv koslem ? Hanv zoddtam mhunn ghor cholta .’ Khorem kitem konn zanna ? Punn bail khoreanich kapostadichi mhonnpachem . Bhattkarachea ghorant zhaddu-pusop korpachem kam’ kortali . Rikamo vell mellta tednam ghora fattlea xetant bhaji-palo roitali. Duming mat pirngotalo. ‘ Hem bhattkarager kamak veta tem mhaka posunk? Hanv boro kam’ kortam . Atamkam’koslem? Kednaim maddachim allim kaddunk vo xetantleo mero tasunk konnui apoun vhortale . Eka disacho pogar hatant poddlo ki magir bebdeachem fuloi fest ! Sov dis magir porot noven . Konnui babddo noko zal’lo vichartalo , ‘ are Dumu , kitem tuzo vepar ?’ Magir vicharpeachi mannsugi nastali . Tum hacho ani tacho mhunn to galli xevttitalo . ‘ Tin tin cheddvam tumger zal’lim zalear kollpachem tumkam ! Padd poddlolem khoinchem . Ek cheddo diupak zainam hekodde .’ Oxem mhonnot to soro pitalo. Aplem dukh gollea sokol denvoitalo . ‘ Dadle apleachem pikasanv pivon nivllaitat . Bailanim kitem korpachem ? Dev cheddvanch dita zalear mhojo mhunn koslo guneanv ?’ Ti apli bazu manddtali . Kaklut babddeanchi ! Cholo vo choli bhurgem zaupa fattlem sarkem karann dogainkui khobor nasli . Mat dogainim aplea porim somzut korun ghetil’lo . Dumu mhonnttalo ki aple bailecho ‘ to’ asa . Zalear ti mhonntali ki aplo ghov bebdo zal’lean oxem ghoddlam. Kud’do vazoita ani bhero nachta tosli gozal tanchi .
Kiteim zaum , sonvsarachi gaddi choltali . Kednaim apnnem zoddil’lea poixeantle thoddech poixe moddun bebdo aplea bhurgeank chonne-bhiknnam vhortalo . zalear kednaim tankam aplim bhurginch nhoi zal’lea vorim vagoitalo . Poir rati mat kitem zalem konnak khobor ! Ghov-baile modem sodcheach vixoyak dhorun vad zalo . Tachem konnak kainch dislem nam . Soglleank tor tem sonvoyer poddlem .
Him dogaim ratchi zogoddtat ani magir Dumu laginchech gadyer vochun thoddench xekoita ani ghora yeun sust nhidta. Oxench ghoddtolem mhonnpachi ast ballgun tachi bailui nhidli. Punn Dumu ailoch nam. Bailen mhonnlem ,’ sodd gozal . To nam ailo mhunn kitem zalem? Az Aitar. Astolo khoinche tori gadyer ! Padd poddom tea soreachem . Vetek xembhor bar’ram . Konnui duent poddlo zalear farmas mellunk kotthinn . Punn hea bebdeanchim bar’ram mat kuddov bhor .’ Tinnem aple porim tiddok uktaili.Ti mhunn kitem kortoli? Dumuk sonvoim paddi. Fantodder utthun to aplem tondduch sorean dhutalo mhollear zata .
Tinnem pez korpa khatir adon dovorlem.Tandllan- chea donnakodden vochot zalear te sompot ayleat mhonnpachem tika somzolem.25 kilanchi ek potti haddchi poddtoli.’ Tinnem monatlea monat hixeob kelo . Itlean pinzil’lo vistid hatant dhorun tichi vhoddli choli tiche samkar aili. ‘Hem kitem? Koso pinzlo tuzo vistid?’Tinnem prosn kelo. ‘ Maman khalo .’ ‘Mam’ mhonnche hundir . Tankam nanvan ulo kelear te chodduch sotyanas kortat mhonnpachem tache avoin taka ek dis sanglolem. ‘ Pidda zaum tea . Atam ek almar ghetlea bogor upai nam . ’ Tinnem yevjilem . Itlean konn tori dhanvun ailo, ‘Dumu baint poddla .’ Tinnem thoinch boskonn marli . Tichea tonddantlean ekui utor aylem nam . Ganvar mat khobro ximpoddleo. Tichea chorit-reachem khobrem korun soglleanim sukot ghalem . ‘ Kosloi zalear ghov to! Bebdo zalear kitem zalem ? Ghov aslear bailek hea somazant man asta. Punn nam , hika ‘To‘ zai aslo nhoi?’Lokacheo jibo hullhullunk lagleo .
Dumu soro piyeun baint poddlo kai khoreanich jiv dilo hem kuvaddench urlem . Chodd korun to poddloch zait . Karann te baink ‘guard’ naslem. Dumuche bailen sogllem kitem moneanich pochoylem. Tanchi doxea polleun, soireanich ek kaixanv haddlo. Konnem tori tika tambddich saddi nhesoili . Hatak tambddinch kanknnam choddoilim ani kensant bori roton aboleanchi fanti mal’li . Hea fuddem tichea noxibant hem sogllem khoinchem ? Oxech nodren sogllim tika polleunk laglim. Ti mat veglleach vicharanim guspol’li. Tichea dolleantlean dukham vhanvtalim.
Him dukham bebdea Dumu khatir naslim. ‘ Hea bebdean aplea jivitant kednach ek mirsangecho rompo launk nam . Kiteak mhunn ho edo vhoddlo kaixanv taka? Tea bodlek ek almar dil’li zalear? Zoim jiveam poros mel’leancho husko chodd asta,thoim tiche sarke vichar korpi konn astole ?


GUADALUPE DIAS
V-Ixtt.com Upkaran

RAGAR ?

Konkani Kovita:

R a g a r ?


Kalche ratri tuka bhettcho aslom

Chondrak sanglem
vegim yeuncho

Mollbavelea noketramni
Chokchokit uzvadd korcho

Koxem sangum?

Padd poddil'lea
Pavsachea kallea kupamni

Chondrak lipoilo

Noketrancho uzvadd giraslo

Ani dekunuch,
Tuka mellunk zalem nam

Ragar?


LINO B. DOURADO, UTODD'DEKAR
www.v-ixtt.com

Kovita: Maim

Kovita:

Maim

Maim, utor ghoddlem Devan
Meulem mon’xakullak vhodd bhag

Zolmolo ho sonvsar ticha kusveant thaun
Tichea adaran cholun vhodd monis zaun

Maim, sasnnik jivitachi zor
Ghosghoxean vhanvta mog amcho...


FARIA FERNANDES, PONDA
www.v-ixtt.com

Ragar?

Kovita:

Ragar?


Kalche ratri tuka bhettcho aslom
Chondrak sanglem
vegim yeuncho
Mollbavelea noketramni
Chokchokit uzvadd korcho
Koxem sangum?
Padd poddil'lea
Pavsachea kallea kupamni
Chondrak lipoilo
Noketrancho uzvadd giraslo
Ani dekunuch,
Tuka mellunk zalem nam
Ragar?


LINO B. DOURADO, UTODD'DEKAR

www.v-ixtt.com

Kalchi Koddi

Kovita: Kalchi Koddi



Zannti aji mhoji
Matiyechea kuddnneant
Ujeachea dhunvran
Natvanchea mogan
Ambott tik koddi kortali
Ambeachi ambli kaddun
Adoller barik xindun
Sungttam bhoros korbott ghalun
Telachem khonn marun
Jibek amche ruch haddtali
Xizta-xizta pormoll suttlo
Pottant sakun anvddo gill’lo
Chipant kaddun tall’ttar chakli
Ajen randleli ruchik koddi
Ukdde tandull buddkuleant
Xit vaddlem mall’ttulant
Svadik koddi xitar vaddun
Sodd’ddik jevle gostan
Urleli dhampun dovorli
Ti zali kalchi koddi
Ajen mhoje att’ttoin-att’ttoin
Peje vangdda ghottsann khaili
Kalchi koddi zannteleanchi
Aiche pillgek naka ti
Atam chikon, mott’ton-xakuti
Puta chakun tori polle
Mhoje Ajechi kalchi koddi.

CYRIL D. FERNANDES, BANNAVLE


www.v-ixtt.com

Konkani Kovita: KUXEALKAECHI ZOR

Konkani Kovita:

KUXEALKAECHI ZOR


Tum Zaum Assa Suria
Uzvadd Gharacho
Sobit Sundor
Putlo Koso Menamcho
Apurbai Tuji Kortat
Soglleamkuch Tum Mogacho

Tum Nam Tor
Gharak Sobai Assonam
Kitlem Sogot Asson
Kainch Assa Xem Disonam
Tuje Osle Girestkaek
Dusri Girestkai Sor Zaumchinam

Lhan Pun Porzollit
Uzvaddachi Tum Divli
Dusman Passun Kuxeal Zata
Distoch Tuji Savli
Ghorcheank Toxench Sezareank
Tum Ek Khellpachi Bavli

Ghov Anik Bail
Ragan Assot Tor
Tujem Hanstem Mukamol
Polloun Ghalta Visor
Xapai Xamaimchi Tum
Mhatarponar KUXEALKAECHI ZOR

Kazari Jivitant Ghov Bailechi
Tum Mogachi Nixhanni
Tuje Vinnem Kallok
Aiz Kitlech Gharanim
Donia Kurpen Uzvaddan Bor
Kalloki Ghorabe Bhurgeachea Kirnanim.


Boroupi: Cajetan Godinho (Majorda/Kuwait)
Email: joycaj at hotmail.com
http://www.goa-world.com/goa/tiatr/cajetansartwork.htm

http://www.goa-world.com
http://www.live365.com/stations/61664
Live Konkani Music

Gulf-Goans e-Newsletter is moderated by AlmeidaG(ji) since 1994, and presented by Ulysses Menezes, owner of http://www.goa-world.com website. Any and all postings from Goans are welcomed - be it a Goan business enterprise, a Goan event/programme of cultural heritage, or of a personal nature. This first of its kind Gulf-Goans e-newsletter is dedicated to Goans around the Globe. http://www.goa-world.com/ Team and founders are always the first to get you in the limelight - in the field of sports, politics, social, cultural, educational, other actitivity(ies) or to the benefit of Goans and Goa via its news services from professional journalists and supporters based in Gulf countries and as far as the Americas. Thanks for the support to Goa and Goans.

Konkani Kovita: GHINEANNAMCHO DIVO

KONKANI KOVITA:
GHINEANNAMCHO DIVO

Astanam Ami
Bhurge Lhan
Maim Pain
Ghalun Eskolan,
Kele Amkam
Teacherichea Hatan


Sukh Zalem Khobar
Disbhor Lissanv
Homework Kitloch Ditali
Teacher Ti Pemsanv,
Rag Tokler Mari
Aikolearuch Tichem Nanv


Homework Korinam Tor
Teacherik Rag Chodtalo
Headmaster Maink Vo Paik
Apounk Dhadtalo,
Tednam Eskolant Tossoch
Gharai Mar Podtalo


Sonvarachem Eskol
Borem Distalem
Aitarachem Zaitem
Khellonk Melltalem,
Somarak Portun Vochunk
Kalliz Dukhamnim Rodtalem


Ami Lhan Astanam
Eskolacho Valor Gomonam
Teacher Sangta Tem
Ami Kanar Dourinam,
Eskol Ani Teacher
Dista Sogllem Fokannam....

Kitlo Tokos Gheun
Teacher Amkam Xinkoita
Tichea Ghiniannan
Amchem Ghinnian Vadoita,
Teacher Mhuntlear Uzvadd,
Sounsarant Chollonk Rosto Dakoita


Desacho President Vo Konnuim To Zanv
Tache Fattlean Teachericho Hatt Asta
Tiche Ami Sodanch Upkari
Tinnem Kelele Sacrifis Aiz Amkam Dista,
Teacher Ek Vati Porim Lassun
Bhurgeamcho GHINEANNAMCHO DIVO Petoita
.


Boroupi/Written by: Cajetan Godinho
– soccer legend at Soor Grounds - Kuwait
http://www.goa-world.com/goa/tiatr/cajetansartwork.htm

(c) www.goa-world.com

Cajetan's Godinho's Collection of Konkani Poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=cajetan+godinho+%2B+Konkani+Kovita

Upkarachem Ojjem
Abrilache 1ler Eka Vorsa
Tujea Putachea Nanvan
Tum Soggleamchi Girestkai
Kuxealkaechi Zor
World Tour (Sounsarik Boundi)
Dusro Soeag (Second Chance)
Dhadosponn.

Published in Gulf-Goans e-Newsletter www.goa-world.com
The Goan Review, GULAB, The Goan Forum www.colaco.net,

and www.goanet.org

- Forwarded by Cajetan Godinho joycaj at hotmail.com

Konkani Kovita: DHADOSPON

DHADOSPON

Xindrer Nidhlolo
Koslich Khont Nastanam,
Khuxealkaeche Suskar Sodta

Velludache Khatir
Akhi Rat Bhor Zhago,
Khonti Uske Khadta

Pinzlelem Ghalun Dhadoxi
Suittam Neslolo Sodanch,
Apun Vingllo Mhun Rhodta


Goribachem Bolos Ritem
Uskea Meklo Jieta,
Faleamchem Chintinam

Bankkinim Duddu Ektavun
Zaite Zan Torui,
Jivitant Kuxeal Nam

Todde Ordi Bakri Kaun Khuxi
Noxibvontamchem Pott,
Kitlem Jeulear Bhoronam


Amcho Dispotto Igraz
Aiz Amkam Dhi,
Devak Ami Ulo Martanv

Kitlem Dilam Astanam
Torui Pun Xinnon,
Rochnarak Okman Kortanv

Ek Bhikari Passun Khadinam
Titlo Faleamcho Usko kaddun,
Ami Sodanch Rodtanv


Kitli Girestkai Aslear
Velludache Khatirui Nidlear,
Amkam Nid Podchinam

Borem Nessonnuim Vinglle Distele
Kitlem Jeulear Passun,
Amchem Pott Kednanch Bhorchenam

Jivitant Khorem DHADOSPON Meutelem
Zoritor Ami Monan Niallear Sodanch,
Khorim Dhadoskaechim Chintnam




Boroupi:
Cajetan Godinho – soccer legend at Soor Grounds -
Kuwait joycaj at hotmail.com
http://www.goa-world.com/goa/tiatr/cajetansartwork.htm
(c) www.goa-world.com 07/08/2005

Konkani Kovita: UPKARACHEM OJJEM

KONKANI KOVITA:


UPKARACHEM OJJEM



Zolmant Etoch
Ami Eka Mekache,
Upkaramche Soire Zatat…


Nam Tor Niallun Poi
Jivit Jietanam Kitle Zan Amcher,
Lhan Vhodle Upkar Kortat…


Toddezan Kallzant
Dinvas Dovortat,
Todde Onopkari Visortat…


Zaite Zan Mothlobi
Upkar Korun Dusreak,
Jivitbor Aplo Ghulam Mhunon Sozmotat…


Gorjevontamcher
Ghodta Mhunon,
Upkar Tum Khortai…


Chintinastana Ghorvan Bhoron
Ganvchea Tinttear,
Soglleamkuch Sangon Dhitai…


Ixttagot Munispon
Devosponamcho Kaido,
Tum Visortai…


Piso Tum Dusreachi Goroz
Kednanch Tuka Podchinam,
Oxem Tum Sozmotai…


Devache kurpen
Ghodta mhunon,
Dusreak Adhar Tum Dhitolo…


Kednaim Pun Ghodta Tedna
Upkar Tuzo Farik To Kortolo,
Nam Tor Kallzant Sodanch Dinvas Dovortolo…


Punn Chint Munxea Jivit Somptoch
Simiterint Tuka Vhoronk,
Dusreak Tum Sodhtolo…


Akrek Tujer Kelolo
UPKARACHEM OJJEM Gheun,
Sasnank Simiterint Tum Nidhtolo…


Boroupi: Cajetan Godinho (Majorda/Kuwait)
http://www.goa-world.com/goa/tiatr/cajetansartwork.htm

May 1, 2005
http://groups.yahoo.com/group/gulf-goans/message/5776

KONKANI KOVITA: BHAGINTLEM EK FUL

KONKANI KOVITA:
BHAGINTLEM EK FUL


Gulabachem Ful Diun
Cheddo Chedvak,
Mog Assa Mhunon Dakoita…


Satvo Sacrament Zoddunk Vetanam
Kazarachem Motor,
Sobit Fulamnim Nettoita…

Dhedo Kiss Diun
Hattant Fulamcho Turo Ditoch,
Nourea Sangatak Vokol Altarar Chodta….

Ixtt Anik Soirim Porbim Diunk
Fulamche Ture Dhadun,
Ghor Ani Mattou Fulamnim Bhorta…

Bhurguem Zolmant Etoch
Vo Konnuim Duent Aslear,
Fulamche Ture Gheun Bhett Ditat…

Zolmanchea Disak Fulam Diun
Lagsurlim Anik Poisurlim,
Happy Birthday Mhuntat…


Jivit Somptoch
Mornamcho Kassianv Passun,
Fulamnim Bhortat…

Matiek Laitanam
Fulam Xhevtun,
Ixtt Soirim Adeus Kortat…

Mornamchea Disacho Ugddas Korunk
Meleleamcho Fond,
Sobit Fulamnim Nettoitat…

Jivitant Dhadospon Meutoch
Devak Argam Ditat,
Ghalun Fulamche Har…

Dusmanank Fulamche Ture Diun
Amchea Dessant Anik Gharant,
Ditat Boro Evkar…

Hea Natalank
Anik Novea Vorsak,
Tujea Jivitant Nodor Tum Mar…

Kallzantle BHAGINTLEM EK FUL Kaddun
Khuxealborit Natalam
Anik Sontosborit Novem Voros Mhunon
Dusmanank Uggod Tujem Kallzachem Dhar…





Boroupi/Written by: Cajetan Godinho – soccer legend at Soor Grounds, Kuwait

MERRY CHRISTMAS
AND
A VERY HAPPY NEW YEAR TO ALL.
http://www.goa-world.com/goa/tiatr/cajetansartwork.htm
(c) www.goa-world.com 19/12/2005

Cajetan's Godinho's Collection of Konkani Poems
http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=cajetan+godinho+%2B+Konkani+Kovita
Upkarachem Ojjem
Abrilache 1ler Eka Vorsa
Tujea Putachea Nanvan
Tum Soggleamchi Girestkai
Kuxealkaechi Zor
World Tour (Sounsarik Boundi)
Dusro Soeag (Second Chance)
Dhadosponn.
Ghineannamcho Divo
Tuzo Ugddas

Published in Gulf-Goans e-Newsletter
www.yahoogroups.com/group/gulf-goans/
Goa World.Com www.goa-world.com
The Goan Review, Goanet, Konkani Forum,
The Goan Forum www.colaco.net etc.
(c) All rights reserved by www.goa-world.com



- Forwarded by www.goa-world.com


This first of its kind Gulf-Goans e-newsletter archived at www.yahoogroups.com/group/gulf-goans is dedicated to Goans around the Globe and is moderated/edited by Gaspar Almeida (since 1994) and presented by Ulysses Menezes, owner of http://www.goa-world.com website.

GOENCHO ULO - New Konkani Fortnightly

Tukach Sodunk Ietam

kovita

Tukach Sodunk Ietam

Kalliz mhojem, mondir tujem
Korchem Deva, dista mhaka
Kitlo hanv koxttovtam, tori
Jivit mhojem sodta sukha

Dukhant dukham polletam hanv
Ek-ui dollo roddoch na
Ietna- vetna kuddik dileo
Kainch khas ghoddoch na

Borim chintnam, mogall utram
Kallzam-monant iech na
Doyall kornneo korcheo disleo
Konn mhaka patiyech na

Khursar Jezuk deklo hanvem
Horddeant kalliz pilloch na
'Utor tachem vachlem legit
Mon tujeant volloch na

Deva mhojea jivit mhojem
Tujeach hatant ghalun ditam
Kalliz poilim nivoll korun
Magir tukach sodunk ietam.

Menino Almeida.

Kalloki Kupam

Kalloki Kupam


Dolleanchi bhas somzotanam
Mogacher kalloki kupam ailim
Kallzant mog fultanam
Dolleantlean gos-goxit dukam denvlim.

Dukhamchea doriant aiz
Mogachem voddem buddunk pavlem
Sangatan voddem tannche bodlek
Tum ogich ubem ravlem.

Sonkoxttanchea lharamni
Mogachem daiz chorun vhelem
Toddir ami pavlim tori
Tum vegllech vatten gelem.

Milton R.

Goychim Sat Novlam - Dr. Bicaji Ganecar

kovita

Goychim sat novlam


Ie-at Ie-at
Gõychim Sat novlam
Polleun ghe-iat

Hi Gõychi Mangueshi
Jiv zata dhadoxi
Tan bhuk nhivta
aslo zori upaxim

He Gõyche hovent
bore kortat duent
novro vokol
Zoddttat Sakrament

Palliechi mina khonn
Poixanchi zodd mhan
Soglleanchem pott bhorta
Zanv vhodd, zanv lhan

Pavle ami Bondla
Soimb hanga sukhavla
Xant oxea zagear
Kovi dhund zala

Ho tor Dudsagor
dudacho ho agor
hansot hansot ghollta
Gõycho zagor

Kollguttchi hi vell
Thondd xitoll vareachi
Sodanch asta hanga
gorddi bhonvddekaranchi

Ho dhoko Murganvcho
Sonvsarbhor namnnecho
Khinna khinna hanga
Dhondo vyaparacho

Bicaji Ganecar

Ambeak Lagon Follamni Kestão Mandlem

KONKANI KOVITA:

Ambeak Lagon Follamni Kestão Mandlem




Janoth nheson soireamger vochonk bhair sorlom

Choltam, choltam ponsa zhaddaxim pavlom

Ponos da'ap korun buzar mhojea poddlo,

Dukhin bhuz suzlem, angovleacher dikh chitkolo

Ragaborit zavun ponsan mhaka mhollem

Kapo, rosal goreanchem svadik dennem dilem

Gorvank chaer, bikddamchem ambtem korun khalem

Tori ambeachi itli tust korunk, havem tuka kitem unem kellem?

Ponsachem ucharnnem monant aslem

Choltanam panvl mhojem cajuchea zhaddxim poddlem

Tap kurun kanpottear cajuchem turmon aptollem

Kanank dukhlem, angavleacher rosachem vallem denvlem

Tiddkean bhorun cajun mhaka vichar kelo

Ruchiche bibe dile, bieo purai sonvsarak pattoileo

Mojea rosachi fenni marun, jivit moujean sarlem

Tori ambeachi itli tust korunk, haven tuka kitem unnem kellem?

Vater vholl aslo, chintlem tondd duchem

Vhollant dhenvtanam onsanchem mollem mell'lem

Onsachea pannamni mhojea paiank vello ghatlem

Pannache kantte topon khatreanim gal suzoilem

Onsnamni khontiborit zaun mhaka vicharlem

Havem itke ruchichem svadik foll tuka dilem

Mojea kuddke jam korun pordesant patoilem

Tori ambeachi itli tust korunk, haven tuka kitem unnem kellem?

Koso tori porot ghora pavon sorlom

Rup polloun ghorkannin vichar mandlo

Havem tika kestaovamchem mull sangllo

Dollo moddun mhottlem, ambea oslem foll kedinch nam mellchem

Ghov bailecho ghutt lagsor aslolea maddan aikolo

Avchit chulit suntton piddo koplar mhojea bhoslo

Koplache dukhin mendu pasun mhozo hall'lo

Dolleantlean soglloch uzo bhair sorta dislo

Maddan boball korun sodsodit vicharlem

Havem tujea pasot kitem nam zait kellem

Mojem purai jivit mon'xam khatir vomplem

Tori ambeachi itli tust korunk, haven tuka kitem unem kellem?

Tondd suzllem, ang mhojem dukhin tolmoltalem

Hea kestavant havem nam poddchem aslem

Atam bhav-bhoinnimno tumich mhaka sangchem

Sogllea follam modem khuinchem foll tem vortem ?



Freddy Agnelo Fernandes

Hansunk - GHOVANCHIM TUST

Hansunk.

Hansop ek VOkhod
-Dr. Bicaji Ganecar

Ghovanchi Tust

Ek pavtt tin bailô ekttaim mell’leo ki nam tancheo gozali suru zatat magir to vixoy kosloi zanv.
Hea tin bailanchem ghovanchi tust korpa sombondan uloup chol’lem. Poili bail sangunk lagli “Mhojea ghovachem okxor (handwriting) itlem borem ki tem soglleank somzota.”
Dusre bailek nosai zali, tinnem sanglem: “Avois hem koslem okxor, mhojea ghovachem handwriting itlem borem ki tem fokot takach somzota ani dusreank konnakuch somzona.
Tisre bailên hem aikun sanglem “Avoi, avoi mhojea ghovachem okxor itlem borem ki tem konnakuch sonzona mhojea ghovak legit somzona”.

Bailêchem Sangnnem
Bailên mhaka sanglem: golleant zai sorpolli, bottak zai mudi, kanant veddi, hatak bazuband, nakant pili ani nimannem holluch kanant sanglem. Punn sogllem chovda karattchench haddunk zai.