Saturday, July 04, 2009

KONKANI KOVITA: DUSRO SOEAG

KONKANI KOVITA

DUSRO SOEAG
( SECOND CHANCE )



Jivitant etanam hea sounsarant, vingllo aum ailom
Noxibhant zaiti ghirestkai ektavun, borim borim anvgostram aum neslom
Podhveche pakhtte laun, sodanch podhven varear aum udhlom
Munispon, Devospon anik Devak passun aum visorlom

Zaite desamnim mhozo kharobar, sodanch bounvdeo marit aum aslo
Jeunank passun vell nam, dhudvamchea fatlean aum foslo
Kitle noukar anik kitle chakor, hixeop tancho mhaka naslo
Porva kelinam konamchich, girestkaiechea kumpasar aum nachlo

Vinktim ghetlim anvem doriache kinarer, sobit sundor ghoram
Visov gheunk ami ailelim, ghorkarn, toxinch mhojim don lhan poram
Mhonim ami zalim, nokhom aslim tim mhunon jivitachim, nimnim don vhoram
Jivit amchem somplem, xhantikaechea doriant uprassun, tim vhorixt tsunami lharam

Koxttamchi ghirestkai bankkinim bhorun dovorli, konnamkuch adhar diunk nam
Itlem sogot mhoje lagim assun, kainch mhoje lagim khorunk ghoddonk nam
Vingllo ailolom, vinglloch mhaka mattient xhevtilo, porva mhoji khorunk nam
Noxibhant akrek bhikari zalom, ek sadem anvgostr passun mhaka favo zaunk nam

Hea sounsarantlean tum ekuch pautti passar zatolo, nhiall kor kitem ghodlam tem mhaka
Tuje lagim ghodta tor dusreank adhar dhi, mog anik moipass dakounk fattim soronaka
Podhvechem rupnem ghalun, mhoje porim tum podhven udhomnaka
Ugddass dovor, hea vatten passar zaunk, DUSRO SOEAG, kednanch meuchonam tuka.


Boroupi/Written by:
Cajetan Godinho – soccer legend at Soor Grounds - Kuwait
http://www.goa-world.com/goa/tiatr/cajetansartwork.htm
(c) www.goa-world.com 5/1/2005 Email: joycaj@hotmail.com



http://www.goa-world.com/goa/kantaram/index.htm
http://www.goa-world.net/music/live.htm
Gulf-Goans e-Newsletter archived at www.yahoogroups.com/group/gulf-goans/

No comments: